ياابـــــــــــوي.....!!!

مرت سنة يابــوي من وقت فرقاك
وقلبي إلى هاليوم شمسه عتيمه
مرت سنــة فرقــا وحسك وطرياك
متوسد بأوراق حزني القديمــه
مرت سنـــة وأنا أتخضب بذكراك
بدموعي اللي في عيوني مقيمه
من عجلت في رحلة الموت ممشاك
وأنا حياتــي مالها أي قيمــــــــه
البارحـــة في غفلة الليل أطـــــراك
قلبي ونادت آهتيـــــــن بصميمه
ومرت بعيني صورة أيام دنيـــــاك
وأوقات كانت في حياتي عظيمه
ياما عطيت الناس من خير مااعطاك
وياما مسحت عيون ثكلى كليمـه
وياما يمينك سابقت خير يســـــــراك
حتى يدينــك شبهوها بغيمـــــــه
يابوي بنتــك دربها صاير أشـــــواك
وماعاد تمطر بأرضها أي ديمــه
واللي خبرته يحسب حساب يمنـــاك
وأشد ظهــري فيه عند العزيمـــه
ماامداك بس تموت يابــــوي ممداك
إلا وجا يهدي لعمــري الهزيمـــه
ومابين غبنـــة ذاك وجــروح هذاك
وفــراق كلي منه روحي سقيمـــه
وهذا أنا يابـــــوي من يوم فرقـــاك
(.......) كنت وصار اسمي (يتيمه)

ومابين غبنـــة ذاك وجــروح هذاك
وفــراق كلي منه روحي سقيمـــه
وهذا أنا يابـــــوي من يوم فرقـــاك
(.......) كنت وصار اسمي (يتيمه)


مشكور اخوي خاطف القلوب على القصيده الرائعه

مشكور أخوي خاطف القلوب