من يتهم البنات بالغباء

بسم الله الرحمن الرحيم
السلام عليكم ورحمة الله وبركاته


ملك .. سأل الشعب .. سؤال وقال اللي يجاوب عليه صح ...!!
راح اعطيه مال كثير وكل ما يـــــــــريده

السؤال :
ايش اكثر شي وايش اكبر شي ..؟

راح أحد الخدم .. على بيته وقاعد يفكر

جته بنته .. وقالت : ايش فيك ؟

قال : اليوم الملك سأل الشعب سؤال وقال اللي يجاوب عليه ..
راح يعطيه مال كثير وكل ما يـــــــــريده !
وانا مو عارف الإجابة ..

البنت : ايش هو السؤال .؟

الخادم : ايش اكثر شي وايش اكبر شي .؟

البنت : روح عند الملك وقله اكبر شي ارضك واكثر شي مالك ..
راح الخادم عند الملك وقاله : ياملك انا لقيت اجابة لسؤالك ..

قال الملك : تفضل ..
الخادم : اكثر شي مالك وا أكبر شي ارضك

الملك : مين قلك الإجابة .؟

الخادم : بنتي ..


الملك : طيب روح قلها ..

لابسة ومهي لابسة ..

ماشية ومهي ماشية ..

هدية ولا مو هدية ؟


الخادم راح عند بنته وقالها .. : الملك يقولك

لابسة ومهي لابسه

ماشية ومهي ماشية

هدية ولا مو هدية ؟


قالت البنت :
طيب روح جيب لي شبكة " شبكة صيد " .. وغنمة ... ولحمة !
استغرب الأب الخادم من الطلبات

بس راح وجابها .

لبست البنت الشبكة وركبت الغنمة .. ومسكة اللحمة وراحت

ودخلت عند الملك ..
وقالت : ياملك .. انا لابسة شبكة ومو لابسة ..
وماشية بس مو على رجولي على غنمة..
وهذي لحمة انت تعتبرها هدية ولا مو هدية ..

الملك .. اعجب بذكاء البنت وقالها

تتزوجيني؟

اتزوجت بنت الخادم الملك .. وعاشو في سبات ونبات .. وخلفوا صبيان وبنات
المهم



بـــــــــــعد سنين ..

كان في خادم من الخدم اعطاه الملك حصان هدية

وفي يوم نام الخادم ونسي انه يأكل الحصان قام هاج الحصان ..
فجاء الملك وطرد الخادم وقاله هات الحصان ورووح..

راح الخادم وهوزعلااان ..
شافته الملكة .. وقالتله ايش فيك ..
قالها: الملك طردني واخذ مني الحصان ..
قامت قالتله : خذ سنارة واقعد اصطاد بالحديقة على العشب

ولو جاك الملك وقالك ايش تسوي قله اذا انت مارأيتني ربي يراني..
سوا الخادم زي ماقالتله الملكة ..
جاه الملك .. وقاله ايش قاعد تسوي..؟

الخادم : اذا انت مارأيتني ربي يراني

قام الملك قاله : مين قلك تقول كذا .

الخادم : الملكة..


عصب الملك .. وطفش من ذكاء البنت ..وراح لها ..
وقالها : شوفي يابنت الناس .. لمي اغراضك ورحي على بيت اهلك .. بس قبل

ماتروحي .. سويلي شاي .. وخذي اغلى شي عندك

المهم .. قامت البنت سوتله شاي وحطتله فيه منوم

صحي الملك .. ولقى نفسه في بيت الخادم ( أبوالبنت )
قام قال :: ايش اللي جابني هنا ...!
البنت : مو أنت قلت لي روحي بيت أهلك وخذي أغلى شي عندك...!


وأنت أغلى شي عندي

ايه رايكم بقا فى البنات لسه بتقولوا انهم اغبياء؟

ارجو ان ينال اعجابكم

ههههههههههههههههههههههههه
لا ماشاء الله عليهم اذكياء البنات

يعطيك العافيه خييتو
ماننحرمش ياارب
تقبلي طلتي

ملا ك الحياه

معروف من زمااااااااااااااااااان ياقلبي ان البنات اذكى بكثييييييييييييييييير من الشباب

والدليل نتائج الاختبارات كل سنه شوفي النسبه بينهم

وقصتك الروعه هي أكبر دليل

ماشاء الله علينا الله يحمينا

تحياتي لك

من جد عجبتني مووووووقفه
يسلموااااااااااااا

شكرا سعدت بمروركم