مرحباااااا
محد في الدنيا ماقد انتسذب عليه بشي ..ولا صارت له مقالب <<صح المقدمه
عني انا قد انتسذب علي مرات عديده ومقالب اعدد من العديد
اولها وانا صغيره اخواني مره مسكوني على جنب وقالوا بنقولك سر من زمان ودنا نقولك خلاص معاد نقدر نكذب اكثر من كذا
طارت بوهتي ودقات قلبي تتسارع .. قالوا لي انتي مو بنتا انتي بنت خالتي (الي هي اخت امي ) <<احلفي
انا على جريف على طول دميعاتي نزلت وصدقت
**********drawGradient()
دقيت على خالتي قلت لها تعالي خذيني <<مخفه
قالت لي طيب (شكلها قالت كذا وهي منصدمه من الي اقوله )
**** ****
من اقاربي ماكان فيه بنات بعمري اجلس معهم
والعيال لعبهم ماصل وماينبلع بس احيانا اضطر العب معهم ان تأزمت حالتي وطفشت جد
كانوا مجرمين فيني .. كم مره تجيني اصابات منهم
مره نشبت لهم ابي العب معاهم كوره كانوا ابد مايبوني العب لانهم عارفين اني بخرب كل شي
بالاخير كذبوا علي وقالوا انتي تصلحين مساعدة حارس
(مدري متى طلع شي اسمه كذا !!! )
فرحت وصدقت اني لي مكانه في الملعب ..وعلى هالحاله كل مره يقولون لي كذا
( المشكله كل ماقربت الكوره انحاش حتى لو مو جايه لي )
ضربت مره بوجهي وحرمت اجيهم
**** ****
**** ****
اخر كذبه انكذبت لي قريب
مسكت معي ابي العب بلايستيشن كوره مع اخوي
خلاني العب معه واشوف نفسي اسجل اهداف عليه فرحانه ومصدقه اني قويه
كنت احس اني مااتحكم مضبوط بالاعبين بس من فرحتي ماركزت مره بهالشي
بعد مافزت اشوف اخوي متقطع ضحك ويقول ان الي يلعب معه الكمبيوتر مو انا :
********
لو بقعد اتكلم عن المواقف ماخلصت
اذا عندكم مواقف وكذبات انكذبت عليكم قولوها وايش شعوركم في وقتها ؟
وقولوا كذبه انتم كذبتوها على احد بعد ...
يالله انتظر ردود com
.........
تحياتي...
**********drawGradient()