لتكن القصة عبرة لكل عاق لوالديه

"الســــــلام عليكم" :
قصة حقيقية صارت على احدى الشواطئ , فيه شابين راحو على البحر يجلسون على الشاطئ ومعاهم عشاهم وهم جالسين يتعشون جتهم عجوز كبيرة في السن وقعدت تلقط الأكل المنثور على الأرض وتأكل ولما شافوها قاموا عليه وقالو لها انتي من متى موجوده , قالت لهم:جابني ولدي من الصبح وراح وخلاني وقالي راح أجي آخذك بعد شوي المهم جابوا لها عشاء وتعشت وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد وما يصير يتركون العجوز لحالها في الليل وجاء واحد من الشباب وقال لها عندك رقم ولدك نتصل عليه نخليه يجي ياخذك قالت العجوز ايه معي الرقم في ورقه . ولما طلعت الورقه ايش تتوقعون مكتوب فيها؟؟؟؟!!!!!!
مكتوب(من يجد هذه المرأه ياخذها لدار العجزه) انصعقوا الشباب من المكتوب في الورقة وجلسوا ساعه يترجمون للعجوز تمشي معاهم ويحاولون فيها انها تمشي اي مكان تبيه هي يودونها له أكيد العجوز رفضت أنها تروح معاهم لأن ولدها وعدها إنه يجي ياخذها وتبي تستناه لما يجي وكانت تقول ولدي راح يجي ياخذني وأنا راح استناه ماتدري المسكينه ان ولدها تنكر لها ورماها في الوقت الي هي فيه محتاجه له المهم راحو الشباب عنها وتركوها عل امل ان ولدها راح يجي ياخذها حسب وعده لها في واحد من الشباب قعد يتقلب بالفراش وما قدر ينام يفكر في مصير العجوز المسكينه وقام من فراشه وغير ملابسه وركب سيارته وراح للشاطئ.
ولما وصل شاف الاسعاف والشرطه والناس مجتمعين ودخل بينهم شاف العجوز قد فارقت الحياة ولما سألهم عن سبب وفاة العجوز قالو له ارتفع معها الضغط وماتت من خوفها على ولدها يمكن يكون صار له شئ ماتت وهي تستنا ولدها يجي ياخذها ماتت وهي بعيدة عن اهلها "الله يرحمها برحمته ويدخلها من اوسع ابواب جنته" .

"لتكن القصه عبره لكل عاق لوالديه"

لاحول ولاقوة الا بالله


نسي هذا الشاااب انه لولا الله ثم هذه المراءه لما وجد على وجه الارض ونسي كل التعب اللتي من اجله بالصغر حتى ترعرع وكبر والان يبادلها بالجحووود ما اقول الا حسبنى الله ونعم الوكيل



تقبل ودي



أخوك الراسي

قال تعالي: ((الجنة تحت أقدام الأمهات))

مشكورين اخوني على المرور

.

الله يرحمها برحمته ويدخلها من اوسع ابواب جنته

مشكووووووور اخوي كنج سعودي على هالقصة المؤثرة

مع احترامي وتقديري

ملكة الرياض