بعض الجروح

}{ بہعہض الجــہروح }{

بعض الجروح ان جت من اغراب عادي
الجرح موت الجرح لاجا من احباب
مليت ادور لك عذر يا ودادي
مثل الضرير الي ورى النور طلاب
لو كنت انا الغلطان لو كنت بادي
ما طاب لي نوم ولا خاطري طاب
يامدني اركاب الجفا للبعادي
شمس المغيب ان جت على حبنا غاب
ما أقساك يا سبة عناي وجهادي
يا محمل القلب العمى لوم واعتاب
ما كل هم يسكن القلب غادي
وراعي الهوى مايستر همومه ثياب
شبيت ناري وانطفت في سهاد
الليل نام وطاري الجرح ما غاب
الليل نام وطاري الجرح ما غاب

امنتك الله ياحبيبي ابرحل
يمكن غيابي يعرف الشوق قلبك
مع مرور الوقت ارجوك اسال
انا بغيب وان كان لك قلب ازعل
اعطيني اعذارك وانا ابقى بحبك
كلمة حبيبي في مدى الهجر تذبل
دام الصدود هو شرع حبك
لا عاش لك قلبي اذا الضيم يقبل
ولا ينفع الزين لو الغدر طبعك
ياناسين قلبي ترى الجرح يوصل
يامعلم قلبي ترى الحب اجمل
قلبي حبيبي يعرف الحب قبلك
مع مرور الوقت ارجوك اسال
خل الوصل لو يوم من بعض طبعك


يا كثر مـا رافقـت خـلان واحبـاب
ويا كثـر مـا فـي شدتـي هملونـي

على كثر ما أعدهـم ستـر وحجـاب
على كثـر مـا احتجتهـم واتركونـي

من صارت الخوه ثمن حفنـة تـراب
نفس الوجيه اللي نصوني... نسونـي

من غير ذكر فروق، وعروق، وأنساب
كانـوا ثلاثـة ...والثلاثـة جفونـي

علمتهم وشلـون الأهـداف تنصـاب
ولما سواعدهـم قـوت... صوبونـي

عشاني أصغرهم عمر صاروا أحـزاب
عشانـي اصدقهـم قصيـد اظلمونـي

اللي نجاح اسمي زرع فيهـم أنيـاب
حتى النصيحة مـا بغـوا ينصحونـي

دام العطايـا عندهـم ديـن وأتعـاب
والله لو أطلـب ذنبهـم مـا عطونـي

طالب نصيحة، كنـي طالـب أرقـاب
وهي نصيحة؟!كيـف لـو زوجونـي؟

كنت أكتب لنفسـي مشاريـه وعتـاب
ولا ادري إن اللي قروني... قرونـي

تضاربت من دونـي عقـول وألبـاب
واجد بغوا غيري... وواجـد بغونـي

أقفل هدب... تسهر على شعري أهداب
كني حبسـت إرقادهـم فـي جفونـي

لو شفتهم واحد... يشوفوني اسـراب
مـن ويـن مالـدوا نظرهـم لقونـي

أثري وجودي بينهم محرق أعصـاب
ومزعل بعضهم من بعض لو طرونـي

يا كبري بعينـي وأنـا تونـي شـاب
واهـم كتـاب الشـعـر حاربـونـي

حتى ولو يهوي على نجمـي شهـاب
يكفينـي إن إسمـي كبيـر بعيونـي

كد قال ابوي: ان هبتهم قول: ما هاب
لو يقدرونـك قـول: مـا تقدرونـي

مادام قبـري محتضـن راس مرقـاب
علـى كثـر مـا تقـدرون ادفنونـي

لو ماني بذيب إنهشت عظمـي ذيـاب
لو ما عرفت اثبـت وجـودي لغونـي

لو ما سكنت وجيههـم مـت بغيـاب
لو ما قدرت أمحـي ورقهـم محونـي

أصبحت الأصعب لأنهم كانوا اصعـاب
جننتـهـم مـثـل مــا جننـونـي

ماجيت أبدبل كبدهـم شعـر وخطـاب
ليـن أدبلـوا كبـد الـذي خلفونـي

يا ويل وجهـي كـن للدمـع مخـلاب
ما جف ماه ولا استحى مـن طعونـي

كل ما طرالـي منظرمريـب وأرتـاب
كان الوحيـد اللـي يحـرك شجونـي

قبلة صلاة،وذكر، وخشـوع، وكتـاب
وأمي علـى سجـادة النـور دونـي

تدعي لي الله يفتـح بوجهـي أبـواب
تتوسلـه بالشـده يـكـون عـونـي

من كثـر مـا خفاقهـا بالدعـاء ذاب
صارت تحس إن زمـلاي اكرهونـي

بشرتها: يمه معـي ربـع وأصحـاب
مانـي لحالـي واجـد اللـي يبونـي

من يوم ما حاز قلمـي كـل الالقـاب
قلطتهـم فـي دفتـري واحفظـونـي

الله وهبنيهـم بنـي عـم وأجـنـاب
من يوم جيت اعجبتهـم واعجبونـي

واعجابهم فيني ما هو بأيـه اعجـاب
باسلوبي، بشرحي، بطرحـي، بلونـي

لوقلت عن نفسي( بشر)..صرت كذاب
لو قلت : ( دمي من ذهب) صدقونـي

لو بكيفهم كان ازرعوا دربي أعشـاب
لوبيـدهـم يتشبـهـون اشبهـونـي

من كثر ما صاروا من طبوعي اقـراب
حتـى بلبسـة شمغـهـم قلـدونـي

واجد دعوني واغلقوا دونـي البـاب
واكثار ناس أبكـي لهـم مـا بكونـي

لوطالـوا لهدمـي مناسيـب وأطنـاب
كان وغلاتك مـن زمـان اهدمونـي

مدام حطـوا فينـي عيـوب وسبـاب
جنبـت عنهـم مـثـل ماجنبـونـي

أصلا لـو أن بخوتـي شـي ينعـاب
ذبحـت نفسـي قـبـل لايذبحـونـي

أنا يدي لـو ماكسـت متنـي ثيـاب
نذر ٍ على لقطع يـدي مـن متونـي

موعيب أجي مدعو ولا أشوف ترحاب
العيب لـو إنـي رجعـت إن دعونـي

مادمت اجي ولا يحسبون لى حسـاب
حرمـت اروح اذا يبونـي يجـونـي




لا صرت بايعني .. اشوفك على iiخير
مع السلامه .. دام ما به سلامه !!
قلت : انتهينا؟ قلت لك : خير يا طير ii!
ماني باول شخص يخسر iiغرامه
محذرك من قبلها الف iiتحذير
لا عفتني بيعيف قلبي هيامه ii؟؟
مانيب ميّت لا ! ولا احتاج iiتبرير
صح الله لسانك .. ووفر iiكلامه
بسمعك .. حبكه .. وفكره .. iiوتصوير
وافهم عدل يا مدعي iiبالفهامه
وجه الشعر ( ابيض ) ويحتاج iiتغيير
ودي تزيّن هالقصيده (علامهii)
ماضيك ( الاسود ) بذكره دون iiتقصيير
كذا يكون بخد هالشعر .. ( شامه !! )
يصدق معي تعبير .. ويخون iiتعبير
يا ضيعة الشاعر .. بوقت انسجامه ii!
يمكن خطا ادونك بالشعر ؟! iiمير
لو ما احترمتك ؟ للغرام احترامه ii!!
ما كان حبك غير بس طعنتك iiغير
علمتني معنى الندم iiوالندامه
ما جاك مني اي زله ii وتقصير
كل ما خطيت اعاتبك .. بابتسامه ii؟!
حسبي على الذكرى اذا هبت iiعصير
ما عاد تنفع شرهتي iiوالملامه
البال ( ضامي ) وقتها والحزن ( بير ii)
( خسرتك ) وهمي( كسبت ) اهتمامه ii!!



آص ...!!ولا حرف ..
مـآبي أسمع .!
ولا أبي ..
منگ تتگلم .!
رجاءً وفر أعذراگ ..!! }~
ترا » هالقلب « يتألم .!
وانت ~{ يالعن أبو دارگ .!
بـ/جرحي حيل تتبسم .!
وجاي الحين تتكلم .!
رجاءً وفر أعذارگ ..!! }~

بسْ يا دِنْيا لا [ تحطْميني ] كِفايه ,,
محدٍ حَس بعتْبي وألمَي وهَوايه ,,
مات الخَفوق وهذي كِل الحِكايه ,,
وِشْ تبيني أقول ~ واضِحه قِصة وفايه ~
دفْني قِريب وأصْبَح مِثل حُبِّي للقِرايه ,
تِكْفون تِكفْون ما عِدْت أبي وُصايه ,,
مِتْ وها أنا { ألْعَن يومي } ورجآايه ,
وآخِرْتها أصْبَح غُبار مابعْد الشَّظايا .!
وهذِا هُو ملَخَّص الحِكايه .!

قمه في الروووعه
تسسلم اناملك غلاتي
لاحرمنا ربي منك
تقبلي طلتي

مرورك هو الاروع يالغالي

لك تحياتي

بعض الجروح ان جت من اغراب عادي
الجرح موت الجرح لاجا من احباب

سلمت يمينك

ما كل هم يسكن القلب غادي
وراعي الهوى مايستر همومه ثياب
تسلمين ياغالية
دمتي بود

دمع القلم

الف شكر على المرورك الغالي

ودي

الناقل

هلافيك يالغالي

أسعدني مرورك خيو

لك تحياتي الوافره