|
الحكايات !والقـصص كل مايخص القصص والروايات الحاضره والماضية |
الأذكـآر |
|
أدوات الموضوع | طرق مشاهدة الموضوع |
#1
|
||||||||
|
||||||||
فزعة السعودي لخويه الكويتي
فزعة السعودي لخويه الكويتي
السعودي والكويتي وقصتهم المذهله (لأخذ العبره) هذي قصه حصلت ايام الأزمه واعتداء صدام على الكويت والقصه عجيبه واقرب الى المغامره بالروح والمال من اجل صديق قديم وابطال القصه لا زالوا موجودين واحياء وهم في منتصف العمر ايام الازمه وكنت انا ذلك الوقت في ثانيه متوسط او اولى متوسط وسمعت قصتهم وتعجبت منها . وابطال القصه السعودي والكويتي من قبيلتين مختلفتين واسمائهم معروفه . وقصها لي احد الناس الذي يعرفون الكويتي وقد قصها على رفيقنا بحذافيرها . كان السعودي قبل الازمه بسنين يهرب السلاح قبل منع تجارة الأسلحة وكان يذهب لشراءه من العراق وتعرف على احد المواطنين الكويتين الذي كان ايضا يتاجر بالسلاح . المهم صار في كل رحلة لشراء السلاح يقلط السعودي على الكويتي اثناء ذهابه واثناء رجعته . وكان الكويتي متزوج من مره وحده وصارت تعرف السعودي وصار يقلط في البيت اثناء غياب زوجها حتى يأتي تقلطه في الملحق وتخلي بناتها الصغار يجيبن له القهوة والشاهي لين يجي زوجها . قرر السعودي ترك تجارة السلاح وحط ارقامه عند الكويتي وقال ان احتجتني تلقاني . وكانت تلك آخر مقابله لهم . مرت السنين وحصل العدوان الغاشم على الكويت وصادف وقوع العدوان الغاشم أن الكويتي كان في السعوديه وفي البر في نجد ولا كان فيه اتصالات وكان الكويتي معه اكبر عياله وذهب من البر في جنوب نجد الى الرياض ووصل الرياض حول العصر ولا يعرف احد في الرياض وتذكر بالصدفه رفيقه السعودي القديم اللي كان ساكنٍ قريباً من الدار البيضاء والحواري هذيك . ودور رقمه ولقاه معه في ورقه قديمه اكل الزمان عليها وشرب في بوكه وقال ابي اروح له كوده يفزع لي بسلاح اروح اجيب اهلي قبل يصيبهم شيء طبعاً كان الكويتي ايام الازمه متزوج مره ثانيه وساكنه في بيت واحد مع مرته الاولى واكثر عياله بنات كبار واولاد صغار وجنت جنونه خايف يلحق عرضه شيء المهم اتصل على السعودي ولقاه مؤجر بيته وسأل المستأجر عن بيته الثاني ودله عليه وكان قريب من بيته الاول وآخذ الوصف من المستأجر وراح لرفيقه السعودي ولقاه في البيت عنده عياله وسلم عليه وعرفه رفيقه . المهم اخذت الكويتي العبره وبكى وارتاع السعودي وانشده عن السالفه وعلمه . وطمنه السعودي وقال الامور زينه وخلنا نتصل عليهم الحين وانا علي الطلاق ما تروح لين تعشى الليله وعقب ما تعشى ابشر باللي تبي وانا معك على ما تبي ما لقى الكويتي مفر من الموافقه على طلب السعودي ولا سيما انه مرهق له يوم كامل اما عن السعودي فقد كانت هذه حيلة منه لإقناع الكويتي بالجلوس والا اللي كان في راسه تخطيط ثاني . المهم راح السعودي لحرمته وقال عطيني الرشاش وعطيني ذخيره وعطيني ثلاثين الف ريال . ونادى ولده الكبير وقال روح سو الذبايح واذا سأل عني قل ما ادري عن ابوي وين راح وان شفته بيمشي مهما تأخرت هبط عزمه . وقل له تبي تمشي وحنا ما ندري وين ابونا فيه واقلقوه علي واحرجوه يجلس غصب عشان يستحي يترككم وقولوا له ابونا راح يجيب اغراض لك من السوق عشان تروح لأهلك وحنا خايفين عليه لا يكون صار له حادث والا شيء المهم الكلام هذا كان المغرب . السعودي ركب جيبه وقرر المغامرة والذهاب الى الكويت وتعدي الحدود كلها من اجل أن يأتي بحريم الكويتي وبناته وعياله الصغار وقال ان مت مت في لازم رفيقي وان حييت سلمت من الملامه ورديت له شيء من وفاه وصل السعودي الحدود السعوديه وكانت الاوضاع بين السعوديه والعراق لا زالت لا بأس بها يعني قبل تشتب بين السعوديين والعراقيين إذا انتم تذكرون . وكان هناك منعاً باتاً بأن لا يسمح لأي سياره خاصه في دخول الكويت خوفاً عليها من الجنود العراقيين . ورفضوا يسمحون له بالدخول وقام يمثل عليهم البكاء وان عائلته في خطر وانه كويتي الجنسيه من اصل سعودي لكن ما معه اثبات ورفضوا . اشفق عليه واحد من الجنود السعوديين وناداه على طرف وقال انا ابي اساعدك لكن اسمع . حنا عندنا امر نخلي الشاحنات يمرن واذا رفعت البوابه للشاحنه تعال من جنبها وازرق ولا تلتفت ترى ما احد طاردك وكل ذال على نفسه وجنود الحد العراقيين ما بيننا وبينهم اي علاقه او اي ارتباط . المهم نفذ الخطه وانجحت ويوم وصل حدود الكويت اللي يسيطر عليها العراقيين رفضوا يدخلونه لين رشاهم بعشرة آلاف ريال سعودي . وخلوه يدخل المهم دخل الكويت وهو ذال وساعده على التحرك بحرية انه سعودي وما بعد صار بين السعوديين والعراقيين شيء ولا بعد تأزمت الاوضاع بينهم . المهم راح عند كبينه ما ادري بقاله وكلم بيت الكويتي وردت عليه مره وطمنها وخافت منه وقال انتي من انتي . قالت انا مرة الرجال اللي تقول انك جاي من يمه . قال . اجل مرته فلانه وينها ؟ قالت : وش تبي منها ؟ قال : اقول عطيني اياها وقولي فلان بن فلان من طرف زوجك يبي يكلمك. المهم كلمته المره الكبيره (الاولى) وذكرها بنفسه واعرفته وقعدت تبكي وسألها : صابكم مكروه والا لا ؟ قالت حنا بخير والى الحين ما صابنا شيء وبناتنا حاطتهن بالقبو خايفين عليها من الجنود اما المال فخلهم ياخذون اللي يبونه والى الحين ما انسرق منا شيء والبيوت اللي حولنا سرقت كلها . قالت : افتحي البايكه لي لأن ما فيه حيل اطق الباب ويشوفوني العراقيين . وخلي البنات والعيال يتجهزون وشيلوا ما خف حمله وغلي ثمنه مثل الذهب والفلوس والامور الضرورية والقيمه . دخل البايكه وشالهم كلهم وهم كلهم يتباكون . وكل واحد منهم خايف لا يوقفونه العراقيين . ويوم اقبل على المركز العراقي من جهة السعوديه خاف على البنات منهم وعبى الرشاش (يعني عباه بالذخيره) تحسباً لأي شيء وطمعهم بكل الفلوس اللي معه وهي عشرين الف وعطاهم اياها . ومن ثم جاء للمركز السعودي ودخلوه لأن اللي جاي يسمحون له بالدخول ولا سيما انه معه عائلة . المهم يوم اقبل على الحفر وكانن الحريم نايمات صحن وقالن حنا وين ؟ قال: حنا في السعوديه . وقامن يبكن من الفرحه . وهو كان له يوم ما رقد وقال لهن نبي نرقد هنا وقامت المره الكبيره ووصت واحد من عيالها الصغار وخلته يحط له فراش يرقد عليه اما هن ما جاهن النوم . المهم قام على شعة النور وقومهن (صحاهن) وقال اركبن نبي نمشي . اما بالنسبه للكويتي فهو وسوس وصار بين نارين . نار رفيقه اللي راح يبي يجيب اغراض الرحله ولا يدري هو ميت والا حي وبين نار اهله اللي ما جلس الا يبي يتجهز عشان يجيبهن . ونجحت خطة السعودي معه في ابقاءه في البيت . ما قال مؤذن الظهر الله اكبر . إلا والسعودي في بيته ويقوم رفيقه الكويتي ويقول له ابشر بأهلك والكويتي منذهل ولا هو مصدق وكان اهل السعودي ايضا خايفين على ابوهم ولا يدرون هو يرجع حي والا ميت . ويوم تلاقت عائلة السعودي والكويتي صار البكاء السمة الغالبه على الجميع حتى اهل السعودي من زود الفرح والنجاة .والمنجي هو الله سبحانه وتعالى . وقد قال احد الشعراء ابيات في هذه القصه ما احفظ منها إلا هالبيتين: بيض الله وجه من جازف على شان الرفيق يوم بعض الناس ما يغني رفيقٍ شانها عند دمعة صاحبه عاف الحليله والصديق صارع السبع الفيافي والنضا بارسانها في ظلام الليل الاسود لا ملاذ ولا طريق ساق روحه لأجل يرضي صاحبه لأكفانها وانا اقول: هذولا هم الرفاقه والا بلاش انشاءالله تعجبكم القصه واهل السعوديه اهل جود وشهامه ومو غريبه وقفاتهم بالشدايد االله لايدخل بينا حاسد انشالله تحــــــــــــــــياتي لـــــــــــكمـ GiLgiL
الــــجنرال مـــانيــــج ــــر
|
14-11-2008, 03:48 AM | #2 |
|
رد: فزعة السعودي لخويه الكويتي
من اجمل ما قرأت
صداقة رائعة لم نجدها الان الف شكر اخي جلال تقبل مروري |
|
14-11-2008, 03:50 AM | #3 |
|
رد: فزعة السعودي لخويه الكويتي
يسلموووو المرور العطر اختي ورده
الصداقه ليست نادره اختي ورده ولكن مهناك من يسئ الى اسم صداقه شاكر مرورج مودتي |
الــــجنرال مـــانيــــج ــــر
|
14-11-2008, 12:15 PM | #4 |
|
رد: فزعة السعودي لخويه الكويتي
اي والله هذولا هم الرفاقه قصة رائعه يعطيك الف عافيه اخوي
|
كثر ما أشتقت لك . ,
والا كثر ما كنت [ أفكر فيك ] ! كثر ما طالت دروبي معاك وتعبت آقدامي , على ويش آحرجك ؟ وأنت الغلا منك , وبين يديك ! لاوالله جفّت أوراق الكلام ورفعت آقلامي , انبض ياقلـــــب مردك بيوم بتوقف..! ربـــي يسّــــر ولا تعـــــسر ’’’’ |
14-11-2008, 11:25 PM | #5 |
|
رد: فزعة السعودي لخويه الكويتي
واهل السعوديه اهل جود وشهامه ومو غريبه وقفاتهم بالشدايد الا لايدخل بينا حاسد انشالله
احم احم << انا اششششهد .. GiLgiL يعطيك العافيه تقبل مروووري |
.. شربت ّ الهم ۆأدمنته ۆغيري‘‘ يشرب الگۆفي’’ ● .. |
17-11-2008, 07:44 AM | #6 |
مع السلامه تعلم الادب
|
رد: فزعة السعودي لخويه الكويتي
يعطيكـ العافيهـ اخوي
مدري من امدح السعودي ولا الكويتي كلهم ارجال وكفو والله فيهم الاثنين وراحت ايام الصداقه مع الرجال اولالين الحين فيه لاكن نادرا جدا تحصل خوه زي الي فوق تــحـيـاتـــي لـــــــــك |
|
21-11-2008, 06:57 PM | #7 |
|
رد: فزعة السعودي لخويه الكويتي
الله يعافيج اختي قلب رهيف
يسلمووو على المرور العطر |
الــــجنرال مـــانيــــج ــــر
|
21-11-2008, 06:59 PM | #8 |
|
رد: فزعة السعودي لخويه الكويتي
لينووو
الله يعافيج خيتووو وصج الصراحه تنقال اهل السعوديه اهل طيب وشهامه ووقفاتهم وقفات ارجال يسلمووو نورة الصفحه خيتووو |
الــــجنرال مـــانيــــج ــــر
|
21-11-2008, 07:03 PM | #9 |
|
رد: فزعة السعودي لخويه الكويتي
يسلموووو يالعشيررر على المرور العطر
والله كلهم والنعم فيهم كان سعودي ولا كويتي والصداقه ماهي نادره ياخوي بس اتشوف حالات شاذه اللي يخون صديقه بس هم اقول الزين يغطي على الشين وهذا انا كسبت رجال شرواك والله يدوم الصداقه والاخوه بيننا |
الــــجنرال مـــانيــــج ــــر
|
22-11-2008, 03:12 AM | #10 |
|
رد: فزعة السعودي لخويه الكويتي
الله يعطيك العافيه اخوي
والله قصه رائعه ما تعنيع من كلمه ونادرا ما احد يلقى صديق يضحي بحياته عشان صديقه ولكن دائم المواقف تبين لاعدمنا منك اخوي وقصه مشوقه تقبل ودي اخوك الراسي |
دائما تبقى الاخوه موجوده ولنكن كذلك اي عضويه تكتب إعلانات بغير القسم المخصص للإعلانات راح يتم حظرها نهائي سيتـم إستقبـال الشكـآوي والإقتراحـات علي الإيميل أو الجوال التـالي wwrs006@hotmail.com |
Bookmarks |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصه سعودي وكويتي( ربي يرزقني بمثلهم يااارب) | غرامي ذبحهم | الحكايات !والقـصص | 9 | 10-08-2023 07:10 AM |
عام / السفير الكويتي لدى المملكة: معرض الصقور والصيد السعودي الدولي أصبح علامة فارقة عالميا | حلم | الأخبار العامة | 0 | 05-09-2022 12:00 AM |
عام / السفير الكويتي يزور معرض الصقور والصيد السعودي الدولي ويشيد بتميزه | حلم | الأخبار العامة | 0 | 31-08-2022 09:00 PM |
رياضي / المنتخب السعودي لكرة اليد يتغلب على نظيره الكويتي ضمن البطولة الآسيوية التاسعة | حلم | الأخبار العامة | 0 | 23-08-2022 07:21 PM |
الكويتي الغيص أمين عام لـ "أوبك".. ووزير الطاقة السعودي يرحب | منتديات | أخبار الاقتصاد (أسواق) | 0 | 03-01-2022 10:00 PM |
الإعلانات النصية |
|||||