*تطبيق متقن* تطبيق البرياني

De$eRt Ro$e





انا اتبعت الطريقة حرفيا بس ..


يا حبيباتي كلكم بتستنوا في بريانينا .. الله يستر

طيب يلا شدوا الاحزمه واستعدوا.. مش احزمة المقاعد لأ يا حلوه انتي وياها احزمة مراييل المطبخ.. ومن هلا جلي الطناجر ع ام تولين وبربره انا ما دخلني باشي ههههههه

يلا نبللش اول شي بنضف الدجاج وبقطع الدجاجه 4 قطع..
وبنملح وبنركبه ع النار,,



انا بستعمل دجاج التعاون الاسلامي >> بعمللهم دعايه هههههه




وطبعا بس يغلى بنشيل الرغوه وبنحط فلفل مطحون ومسحوق الكاري وبهارات البرياني الخشنة



انا بجيبهم من عند اهلي بابا بحكي للزلمه في المطحنه بدي بهارات برياني خشنة وهو بيعملله التوليفه هاي.. فيها ورق غار وعيدان قرفه وشومر وهيل وقرنفل وفلفل اسمر وزنجبيل ناشف وكأنه فيه كراويه مابميزها منيح لأني وهيك اشياء ابصر شو هيي كمان المهم هاي صورة البهارات..

بنترك الدجاج على نار هاديه يستوي
وبننقع الرز البسمتي انا بستخدم رز ممتاز



نقعنا الرز



وبالمرة بنجيب الزبيب وبننقعه هو كمان



وبعدين بنجيب البصل والثوم (أنا بس بحط سنين ثوم) لأني ما بحبها



والبطاطا والبندورة والفلفل الاخضر الحار






بنقطع البطاطا مكعبات كبيره شوي

وبنقليها



وبنقطع البصل جوانح يعني هيك



وبنقلبهم مع نتفة لحد ما يصير لونه دهبي



وفي هالاثناء بنكون قشرنا البندورة وقطعناها وقطعنا التوم والفلفل بس افتحيه من الوسط مشان ما يفقع وقت ما اتحمريه



وعلى التوالي بنحط فوق البصل اول شي التوم وبنستنى شوي وبنضيف الفلفل وبنستنى كمان شوي وبنحط البندوره





واخر شي بنضيفه البطاطا



وبعدين بنحط بهارات البرياني المطحونة وكاري وفلفل اسمر وملح ومكعب ماجي او 2



وبنحط شوي من مرقة الدجاج عليهم لحتى يغلوا مع بعض واتحسي الحشوة متجانسه..

بهاد الوقت بكون استوى الدجاج اكيد بنقليه وبنرتبه فوق الحشوة



بنصفي المرقه فوق الرز لبين ما ينغمر الرز فيها وبنحطه على نار عاليه وبس يغلي بنوطي النار..


لبين ما يستوي الرز وبنحطه فوق الحشوه والدجاج

وبنجيب صبغة البرياني لونين انا بستعمل هاد النوع برضه من عند اهلي بجيبو



وبنحط في كاسه صغيره مي مع ملعقه من اول وحده وبنعمل فيها خط وبنرجع بنعمل كمان كاسه باللون التاني وخط تاني فوق الرز بهالشكل



وبنكون حمرنا الزبيب بالاول بنحط البصل المقطع مكعبات لبين ما يصير دهبي وبنحط عليه الزبيب ليتحمر


وبنحطه على طرف الرز هيك وبنغطي الطنجره وبنخلليه ع نار هاديه لنص ساعه او اقل





بتقدري كمان تقلي مكسرات للتزيين هيك بيحب زوجي



وبتعملي سلطة خيار ولبن

(ما صورتها انسيت)

وهاد الشكل النهااائي






وصحة وعافيه


ملطووووووووووووووش

تسلمين صاحبة الابداع

الف شكر لكي

تقبلي مروري

يم يم شكلها شهييييييية وسهلة
جاري التطبيق
تسلم ايدك يا الغلا على الطبخة المشهية

وردة النيل

لموضوع زاد جمال بوجودك فيه نورتى

الدلوعه اوى
لموضوع زاد جمال بوجودك فيه نورتى

اشكرك من قلبي ..

لاتحرمينــا ج ـديدك

م ـيمو

ميمو

بآركـــ الله فيكـــ
آشكر حضوركــــ وتفآعلكــــ
دمت بخير