ما عاد تسوى من يفكر فيك

ماعاد تسوى أفكّـر فيـك وأشكيلـك
دامي فقدت الأمل في قلبك القاسـي

شفت النهايه بعينـي ليـه أطرّيلـك
خايف تجي كلمةٍ تجرحلي إحساسـي

غصبٍ علي أنسحب وأرتاح من ويلك
ولاّ الحقيقه غلاك أقرب من أنفاسـي

أخلصتلك وش بقـا قلّـي أسويلـك
من بد كل البشر شلتك على راسـي

أنا على شوفتـك أطـرب وأغنّيلـك
وأنت بجروحك وصدّك تطرد إنعاسي

ليه أحترقلك مثل شمعـه تضوّيلـك
أسهر أنّور طريقك وأعلن إفلاسـي

قلبٍ يضمّك غلا لـو كـان يعنيلـك
لاقلت طال الهجـر ماقلتلـي ناسـي

ما كان ودّي بعد ماكنـت اضحّيلـك
إنّي أضحّـي بحبـك يابعـد ناسـي ,,,


تحياتي
( آحاسيس مرهفه )

مبدعة غاليتي احاسيس مرهفة

الف شكر لكي

تقبلي مروري

يعطيك ربي الع ـافيه
لك مودتي

يعطيك ـألعآفييه

ودي .. ~