بنات الجيل الجديد

السلام عليكم ورحمة الله وبركاته

موضوعي ** بنات الجيل الجديد**

ارجوا انه محد يتحسس من الموضوع

الصراحه الشي تعدى الحدود وصار الشي ما ينطاق

بنات الجيل اليديد او بنات هالزمان لو بنرمس بينا .. الصراحه طلعوا عن الحد المطلوب

المكياج زياده عن اللزوم .. عبايات الاعراس ... الكعب العالي والبنطول الراص والمشكله تشل العباه بعد عشان اللي ما شاف يشوف

انا اعتبر من الجيل القديم عمري الحين 27 سنه .. انا استحي اسوي اللي يسونه .. لو شو ما صار ..

الجمال فعمره ما كان بها الاسلوب .. هذا ما اقول غير انه لفت نظر لا اكثر ولا اقل وهذا صادر عن قله ثقه في النفس والتقليد العمي للباقيات

ليش الوحده منكن ما يكون لها شخصيتها الخاصه ..

كله صوب والشيله الطراز اليديد اللي مادري ليش ملبوسه .. يوم انه نص الشعر والرقبه طالعين

يا بنات .. الوحده بهاي الطريقه تراها ما تعدت عاداتها وتقاليدها الا ضربت بها وبالدين الاسلامي عرض الحائط

نحن نسير مراكز نسير مولات نتمشى مع ربيعاتنا بس من غير هاي السوالف .. ليش عشان تلفتين نظر الشباب .. يعني للاسف كم مره سمعت تعليقات الشباب وانا استحي من الرمسه كيف انتي واقفه وتمشين ولا كانه شي صاير.

انا ما عرضت ها الموضوع الا من غيرتي عليكن .. وانا ابا راي الشباب بعد عشان نوقف وقفه صادقه مع اللي قاعد يصير

المخافه من الله لازم تكون جدام عين كل بني آدم

واللي قاعد يصير ترانا نشوف نتايجه .. البلاء، الامراض ، كل شي

اتمنى المشاركه من الكل .. ونشوف حل صدق في اللي قاعد يصير

اختكم
ملكه الورود

اشكرك على هذه المشاركة الجميلة

وانا اتفق معكي على العنوان وقد لا اتفق ولكن من الممكن ان تقولي

بنات الجيل المرفه والمدلع يمكن يكون اقرب للحقيقة

بالماضي ما عند البنت او المرأة غير ان تنظف البيت وتربي الاطفال والطبخ

اما بهذا الوقت عندها الجامعة بعد الجامعة الوظيفة وانتي ادرى مني بأن سبب

ظهور وانتشار الموضة الغريبة هي غيرت البنات بالجامعة كل وحدة تتحدى الثانية

وتبي هي تكون الاجمل والاكشخ لدرجة ان بنتي بالابتدائية طلبت مني انها تفصل

مريول المدرسة بشرط انة يكون مطرز وشكلة حلو وانا قلت لها يعني اش الفرق بين

هذا والي تبي تفصلية الجديد قالت لي لان البنات مفصلين احلى من الي البسة

يعني السبب الرأيسي هو الاب او الام لانهم هم الي سمحوا لهذي الظاهرة ان تنتشر

واذا نقصت المراقبة بالبيت لا تلومي البنات لومي الاب والام والبنات مالهم ذنب اذا طلبوا

اي شيء بنفس الوقت يتنفذ وانا اعتقد ان هذا الشيء شيء شخصي خاصة بعد

ما انفتحت البلاد على مصرعيها حتى لدرجة انتي ما تعرفي وين قاعدة تتسوقي ببلاد عربية

مسلمة او غربية ملحدة وما اقدر اقول الى

نسأل الله العافية

والله يعطيك العافية على هذه المشاركة

اقتباس:
المشاركة الأصلية كتبت بواسطة ! أستــmodehlhــاهلك

اشكرك على هذه المشاركة الجميلة

وانا اتفق معكي على العنوان وقد لا اتفق ولكن من الممكن ان تقولي

بنات الجيل المرفه والمدلع يمكن يكون اقرب للحقيقة

بالماضي ما عند البنت او المرأة غير ان تنظف البيت وتربي الاطفال والطبخ

اما بهذا الوقت عندها الجامعة بعد الجامعة الوظيفة وانتي ادرى مني بأن سبب

ظهور وانتشار الموضة الغريبة هي غيرت البنات بالجامعة كل وحدة تتحدى الثانية

وتبي هي تكون الاجمل والاكشخ لدرجة ان بنتي بالابتدائية طلبت مني انها تفصل

مريول المدرسة بشرط انة يكون مطرز وشكلة حلو وانا قلت لها يعني اش الفرق بين

هذا والي تبي تفصلية الجديد قالت لي لان البنات مفصلين احلى من الي البسة

يعني السبب الرأيسي هو الاب او الام لانهم هم الي سمحوا لهذي الظاهرة ان تنتشر

واذا نقصت المراقبة بالبيت لا تلومي البنات لومي الاب والام والبنات مالهم ذنب اذا طلبوا

اي شيء بنفس الوقت يتنفذ وانا اعتقد ان هذا الشيء شيء شخصي خاصة بعد

ما انفتحت البلاد على مصرعيها حتى لدرجة انتي ما تعرفي وين قاعدة تتسوقي ببلاد عربية

مسلمة او غربية ملحدة وما اقدر اقول الى

نسأل الله العافية

والله يعطيج العافية على هذه المشاركة

شكرا لك اخوي الكريم على مشاركتك

واشكرك الصراحه انك تطرقت وطرحت موقف بينك وبين بنتك عشان توضح انه الخلل من البيت في الاساس

وهذا هو اللي انا الصراحه تصيبني حرقه منه .. انه الاهمال صار باين وهذا اللي يخلي الفتيات صغيرات السن يتلفتن لتفاهة الامور ويخلونها محور حياتهم

اسأل الله لك ولي وللجميع الهدايه

وربي يحفظلك بنتك وتكون لك خير ذريه

يعطيك العافيه ملوووكتي ..

بسس هذا اخر الزمآن الله يكفينا الششر .. كثره الفتن ..

والسسبب الرئيسسي ... الاهل الللي ماعرفووا يربون وبطلعون جييل رآآئع ..

ودي ~

وعليكم السلام ورحمة الله وبركاته
بصراحه موضوع مهم وهذا شي منتشر بزياده بين بناتنا والاساس من تربية الاهل احس فيه تراخي واهمال من الام والاب
يعني قال وين قال معهم يبغو بناتهم مثل بنات العالم من وجهة نظرهم يقولو احنا مانبي نشد عليهم في هالزمن حالهم حال الناس الثانين وهذا غلط كبير طيب ليش مايكونون غير الناس يتميزون بحاجه غير هالعالم التعبانه بالعكس هذا ينعكس على سمعتهم وبيتهم لان البنت تعكس صوره لاهلها بين الناس يعني مفهومه الاهمال من وين انا في راايي يكونو االاهل وسط مايشدون ولا يتراخون لازم يعرفو كيف يتعاملو مع بناتهم بشكل صحيح
اتمنى اني وصلت المعلومه صح مشكوره اختي يعطيك العافيه

مودتي لك

موضوع رائع

المشكلة تكمن في تربية الاسرة لابنائها

وعدم وجود الوازع الديني سواء نت البيت او المدرسة او الاذاعة المرئية والمسموعة

مجموعة عوامل مشتركة وتحتاج للتصحيح

الف شكر ملكة الورود

تقبلي مروري وتحياتي

مشكووووور الله يعطيك الف عافيه


‏

‏

‏