مقابله صريحــه مع بنت مخربتهــا !!

بسم الله الرحمن الرحيم

السلام عليكم ورحمة الله وبركاته

ندخل في الموضوع على طول ،، وهو موضوع وحيد من نوعه .. غريب شوي ،،

اليوم قابلنا وحده من بنات الدنيا وعاشت تجارب ومراحل ومغامرات .. بالعربي انسانه (مخربتهـا الا شوي)

انا ماكتبت هالموضوع عشان كل واحد يقول نصيحته ولا يقعد يتفلسف ويقول ان اللي سوته غلط ..

اوكي هو صح انه غلط واكبر غلط لكن كل واحد واسلوبه في حياته وهو اللي يختار طريقه ..

نترككم من الأخت .. لمـى ..

- اول شي وش اخبارك ووش علومك .؟الحمد لله أنا بخير ..

- ممكن تعطينا نبذه عنك وعن حياتك .؟

انا لمى بنت ابوي ، عمري 18 ، خريجة ثانويه عامه ، وجالسه في البيت ، من أهل الرياض ، هوايتي تجميع (الخرفان) والوناسه .. عشت تجارب كثيره كثيره وجربت ناس وفئات درجات لاتعد ولا تحصى .. جربت الناس الفري والناس الكاش والناس العاقله والناس الهاديه والذوق والناس اللي تنصح والناس اللي همها الجنس .. بالعربي.. تجاربي السابقه تخليني احكم على اي واحد من اول مكالمه.

- من متى وانتي بهالطريق .؟ وهل انتي مستانسه فيه ..

بصراحه انا من 8 سنوات تقريبا وأنا بهالطريق .. يعني من اخر ايام الابتدائي .. واذا بتسأليني أنا مستانسه او لا .. اقولك بكل الاحوال مستانسه .. لكن اذا فكرتي فيها بتحسين انك تسوين غلط واكبر غلط .. يكفي خيانتك لاهلك وتضيعك للوقت بأشياء ماتستاهل ، ويكفي انك تكلمين اللي يسوا واللي مايسوا..

- من اللي دلك على هالطريق .؟

انا دليت نفسي تقريبا .. تعرفون ايام الثابت وجمعة البنات وتقعدين تستهبلين على خلق الله والارقام .. عاد وطحنا بهالعالم وكنا ماخذين الدعوه استهبال لا أكثر ولا أقل وماكنا نفكر بعواقبها . وبعد ماكبرنا انا شفت كذا قريبه لي تكلم وكذا خويه.. وانجرينا كلنا.

- وش سالفة الخرفان اللي قلتيهم بأول كلامك .؟

الخرفان هذولي سالفتهم سالفه .. هم اللي مونسيني خخخخخخخخخخ
هذولي طال عمرك ناس أغبياء ودلوخ وينجرون بكم كلمه وغير كذا فيه بعضهم عمره ماشاف بنت الا اهله .. فبسرعه بيصدقك
والنوع هذا يعطيك اللي تبين وبدون مقابل .. يعني بطاقه تجيك بأقل من خمس دقايق او تسديد فواتير او اللي تبين.. وانتي ببيتكم ولا يعرفك ولا شي .. يعني تقدرين تقولين ماخذينهم مصلحه..

- طيب ليش تكذبين عليهم .؟

لان العالم كلها نصابه ، وأنا أمشي مع العالم

- اذا شحنلك او سددلك .. تسبحين عليه او تكملين المشوار .؟

على حسب اسلوبه وكلامه اذا يعجبني ماعندي مانع استمر.. لكن اذا كان دلخ على طول سيفووون

- وش احسن واحد كلمتيه من هالنوعيه .؟

هذا واحد كلمته من الشات .. وهو طلب بس كلمة شكر بدل البطاقه اللي بيجيبها ، وقال كم تبين قلت 100 وبدقايق جابها وقلت شكرا وبعدين سكرت .. بعد ماجا في الليل ارسلت له رساله معناها غريبه انت على طول شحنت بدون كلام طويل زي باقي الشباب.. ومن بعد هالرساله صرت اكلمه كل يوم وكل مكالمه بعدها يشحن لي بـ 100 او اقل .. وبدون ماأطلب منه شي
وحتى هو ماطلب مني يشوفني ولا شي .. غير كذا هو برا الرياض وكبير شوي .. يعني هذا عاجبني بكل شي

- ماعمرك طحتي بمطب ولا توهيقه ولا شي .؟

ماتصدقين لو اقولك لا .. الحمد لله بس والله لايجيب المطبات .

- فيه احد هددك بشي .؟

قولي فيه احد قعد يهايط عليك .. اقولك ايه ،، لأن مو انا اللي يهددوني الشباب
وكذا واحد يدق واتهاوش معه او اي شي ويجلس يهدد اني لأطلع من انتي وانشر صوتك وو...الخ
ارد عليه .. فيك خير فكر بأي شي بتسويه .. لأني راح اردلك الصاع عشــره ، واذا انت رجال طالع من ظهر رجال سو شي
يعني تقدرين تقولين ماخذين الدعوه هياط×هياط .. وبعدها مايدق اصلا
لأنه يقول مافي بنت تهدد ..
بس ماعليك هم ماعندهم سالفه .. وانتي خليك ماعندك سالفه ^_*

- وش نوع علاقاتك .؟

فيه العلاقات الطويله وفيه القصيره وفيه كثير
العلاقات الطويله .. اكون اعرف الشخص اكثر من سنتين وعلاقتنا كلها وناسه وهبال وفله ..
وفيه اللي اعرفه في كذا يوم ويكون اسلووبه فله ووناسه ويوسع الصدر .. وماخذ الدعوه هباال .. وهذا احلى نوع.. واحيان اسوي مكالمات جماعيه مع الناس ونخربها .. يعني من هالناحيه تحسين انك تضحكين من قلب ..

- ماحبيتي ولا واحد من اللي تكلمينهم .؟

لأ

- وليه .؟

لأني أنا ماأبحث عن الحب .. الحب دورني ولقيت كذا واحد يحب ومستعد بكل اللي تبينه .. وبالعكس تحسينه صادق .. لكن انا ضد هالفكره ، لأني كذا مره قلت بكون علاقه مع واحد وبس ، لكن ماقدرت امسك عمري ولازم اكلم كثير واستانس
وتبين نصيحتي خلي هالحب بعدين .. بعد الزواج
خلي زوجك يكون الحب الأول والاخير في حياتك ،، مو تحبين واحد مابينك وبينه اي صله واخرتها احتمال كبير تنصدمين منه .. وش بتستفيدين !!

- سؤال صريح .. كم واحد تكلمينه .؟

سؤال صعب وانتي الصادقه
ماأقدر اعدهم لأنهم كل يزيدون وكل يوم اكتشف واحد جديد واسحب على عشره .. بس والله كثييير لو بعدهم

- اللي تكلمينهم يدرون انك تكلمين غيرهم .؟

ايه يدرون

- وعادي متقبلين الوضع .؟

اللي عاجبه اهلا وسهلا واللي مو عاجبه الباب ياسع جمـل

- وش اكثر اسم تستعيرينه قدامهم .؟

والله كذا اسم .. لمى - مشاعل - جواهر - ريم - نوف

- وشلون تميزين لمن قلتي له اي اسم لك .؟

احاول اتحاشا الكلام عن نفسي وعن اسمي .. بس اذا غلطت او شي اقول ان الاسم اللي قلته هو اسمي الحقيقي .. وهو في الحقيقه مو اسمي..

- نمتي وجوالك على السايلنت وبعدها قمتي . كم تحصلين مكالمه ورساله .؟

بقولك اخر احصائيه .. اليوم .. صحيت من النوع ولقيت 80 مكالمه لم يرد عليها و 10 رسايل

- مافكرتي تعقلين وتتكرين كل هالخرابيط .؟

فكرت كثير .. او بالاصح حاولت وغيرت ارقامي .. لكن رجعت للطريق اللي انا فيه.. واتمنى لو اعقل واترك عني المكالمات . لكن الله يهدي الجميع



هذا اللي عندي لك .. وهذي مقدمه كتبتها وسألتك عنها عشان نطرحها في المنتدى ...
واللي عنده أي سؤال يسأل وراح نرد عليه بأسرع وقت ..


ملاحظه : كل واحد حر برايه وكل واحد يكتب رايه في الموضوع .. وهذا مجرد موضوع للنقاش ربما يستفيد منه الغير وربما يكون موضوع يطير مع الرياح..

ودمتمـ بخير


حطموك ياقلبي

ماقول غير الله يصلحهم شباب وبنات
وبعدين انا اسغرب من بعض الشباب

الي يشحنون لهم وش هالخبال ماعندهم عقول
وبعدين احنا في زمن واعي وسمعنا الكثييييييييييييييييييييييييييييير

من هاالقصص الا متى
الله يهديهم وبس

بصراحه البنت ذي( ضااااايعه) سوري على هالكلمة بس أعطت مثال سيء جدا للبنت السعوديه..

انا لازم أتفلسف لانو فيه شي اسمه مبادئ وأسس الواحد لازم يستند عليها وبصراحه أبوها ماعرف يربيها ... والله حقدت عليها كثيير كيف تتكلم عن الموضوع بكل بساطه وين الحيا والخجل ... أعوذ بالله الله يهديها غصبن عنها ويرفع عنها ولايبلانا ....... بصراحه أأسف لهذا المستوى من الأخلاق حشى لوحنا بحديقة حيوان ماسوينا كذا ... هذا رأي خااص فيني وهاذي نظرتي لكل وحده من أشكالها ....

سوري اذا كان كلامي قوي بس بعذري ...................

مشكووور اخوي على هالموضوع واللي أثار جدل وأشعل النار في داخلي لأن غيرتي على غيري ولعـــت ...... تقبل مروري .. ولاتحرمنا من ابداعك ..

تحياتي ................

حااااقده مررة

**********drawGradient()

انا معاااكـ منت فاااهم في انها بنت ضاايعه ..

الحمد لله والشكر يارب لاتبلانا .. من جد لاتعليق خيي ..

الله يهديها ويهدي امثاااالها ...

شاكره طرحكـ الرائـــع خيي .. والابداااع في طرحكـ مو غريب ولا شي جديد ..

تقبل مروووري ..

الله يصلحهم ويهدي طريقهم للصواب