ان كنت ياعين خلك .. طحت من عيني

صباحكم / مسائكم بكل خير ومحبة
ول(ن) ابارك للجميع لدخول العشر الاواخر للرمضان عساها تكون خاتمه طيبه للجميع
وثانيا(ن) يؤسفني خسارة المنتخب السعودي وعدم تأهله لمونديال كأس العالم بس يمكن انها خيره ماتدرون
وثالثا(ن) مبروك للشعب البحريني على الفوز والتأهل تستاهلون كافحتو ونلتو
وفي الاخير اترككم مع القصيده اللي كل يوم ارددها ومامليت هذرتي واجد اليوم وش عندي :

وتلـوم عينـي ليـا كثـرت سواكبهـا
لاصرت ماشوف في عينـي سـواك بهـا

ان كنت ياعين خلك .. طحت من عيني؟
بشيل عينـي .. وأركبهـا .. واراك بهـا

إرتاح فـي ( عرش جفني ) يـا معذبنـي
وانثر همومك ( هنا ).. وإحذف عناك بها

من يبذل الجهد !! يجنـي بالرضـا جهـده
لاتحسب ان الخيـوط ؟ أعيـت عناكبهـا

كتايب الود تزحف لك وتزحـف بـك
ومسيرة الشوق تسعـى لـك مواكبهـا

برحل مع الركب .. وانا داري ب داري
. تبقى الفـرس جامحـه .. إلا ؟؟ لراكبهـا

هواك نسمه ؟ وصـدك يلفـظ انفاسـي
وانت الحياه اللي آتنفـس هـواك ابهـا

هويتـك ( بلمـحـةٍ ) للعـيـن عفـويـه
معذور لامـن ( هـوا ) منهـو هـواك بهـا

وحق مـن آمنـت بـه العـرب .. إنـي
من قوم .. للـذل .. ماترخـي مناكبهـا

ماقلتها : لجل ابالـغ ؟ او غـرض ثانـي
لكنّ مـا اقيسهـا إلا مـن غـلاك بهـا

شاعرك من صورتك .. ينساب تصويـره
وقصيدته فيـك ,, حابكهـا وحـاك بهـا

احلى حروف الغـزل .. واسمـى معانيّـه
وأعمق بحور الشعر ، وأصعـب مراكبهـا

زينك وطولك .. وضحكاتك .. وكلماتك
كم تصرع العين .. حتى لا حـراك بهـا !

مشاعـري معـك مظلومـه ومنكوبـه
إليـا متـى وانـت ظالمهـا وناكبـهـا