قـلبـي مــدينه ..

ما تغيَّر شي .. لكن .. صار فاضي هـ المكان
يعني إنتَ شفت قلبي طحت مِنْ عيني وعينـه
[ كان ] لك قلبي" مدينه "ولاحظ إني قلت : كان !
يعني إنتَ الحين واحد خارج حدود [ المدينه ]
ليه مستغرب كلامي وليه أعطيك الأمان
وليه تَكْذِب في كلامك العذر وينك ووينه ؟
ما ألومك كان قلبك ثارت أمواجه وخان
الخطا منَّي , لأني صرت في بحرك سفينه
والسؤال اللَّي كتمته وما نِطَق فيه اللسان
كيف إيدك إطعنتني وآنا أحْسِبْهَا أمينه ..؟
جرحي ما يرضيه قلبك لو يجي كلِّه حنان
لو تبوس الجرح فيني ولو تقبلها إيدينه
يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّك تهينه !
[ عزِّتي ].. ما هي جديده آنا شامخ من زمان
إغسل إيدك من رجوعي وروح , يا إبن اللذينه
طاب خاطر قلبي منِّك وهذي الفرقى رهان
حتَّى لو قلبي يحبك ربِّي بفراقك يعينه
تدري لما قلت أحبك قلت .. وما عندي ضمان
وإختياري كان خاطىء تجربه بالحيل شينه
كنت تخطي وكنت أسامح مرَّه / مرتين / وثمان
أدمح الزله عشانك .. وأكتم أنفاس الغبينه
كنت أحبك / كنت أعزك , والغلا فيني جبان
خاف تزعل لو ألومك ضعت ما بينك وبينه
في عيون الناس عادي بس في عيني جنان
وكان قلبي من يشوفك تفضحه نظرة حنينه
ماني أوَّل من يحب ومنتَ آخر شخص خان
المحبه في زمانك [ بحرها ] من غير مينه
[ الفشل ] .. كان النتيجه وأعتقد آن الأوان
أبني مستقبل حياتي وأنسى قصتنا الحزينه
خطوتي الأولى غيابك , راح أطبّقها عشان
يبكي قلبك لا فقدني والندم .. يملي سنينه
جاي تسأل عن مكانك !! هو بقى فيني مكان ؟
الله يرحمها المشاعر اللي كانت لك رهينه
قلت لك قلبي [ مدينه ] فيها لك حشمه وشان
لكن إنتَ الحين أغرب شخص في هذي المدينه

الله الله
شو هالابداااع

مشكووووووور

الله يعطيك العااافيه

دمت بود ومن تحب

الله عليــــــك
ابدعت في اختيارك
يعطيك العافيه

تقبل مروري
دلوعة

يعطيك العافيه اخوي

ابدعت في ختيارك

وننتضر جديدك

معشي الذيب

ما تغيَّر شي .. لكن .. صار فاضي هـ المكان
يعني إنتَ شفت قلبي طحت مِنْ عيني وعينـه
[ كان ] لك قلبي" مدينه "ولاحظ إني قلت : كان !
يعني إنتَ الحين واحد خارج حدود [ المدينه ]
ليه مستغرب كلامي وليه أعطيك الأمان

يسلموووووووووووو على الكلمات الذوووووووق

رفيف .. دلع المشاعر .. معشي الذيب .. ملوكه الدلوعه

شكراا لكم على المرور العطر ..

دمتـــــ بود ــــــم ..

معزوفه من جمال الحروف
ونبض المشاعر
احاسيس رائعه
لقلم مميز من الابداع
سلمت يمناك

الله على كلمات الغاويه يعطيك الف عافيه اخوي

قلت لك قلبي [ مدينه ] فيها لك حشمه وشان
لكن إنتَ الحين أغرب شخص في هذي المدينه


صح لسانك .. جبتها على الجرح ..

تقبل مروري ..

تركي ..

ماني أوَّل من يحب ومنتَ آخر شخص خان
المحبه في زمانك [ بحرها ] من غير مينه
[ الفشل ] .. كان النتيجه وأعتقد آن الأوان
أبني مستقبل حياتي وأنسى قصتنا الحزينه

قصيدة جميله جداً
بتوفيق دائما وابدا
يعطيك العافيه خيووو
تحياتي