جــــــــا يــــبــــــه لــــكــــــم قـــــــــصـــــــه
انــــــــــــــشـــــــــــــــاء الـــــــــلــــــــــــــه
تــــــــــــعـــــــــجـــــــــــبـــــــــــــك ــــــــــم


أبد .. ماجيت أبارك ولكن جيت بأوصيك

على اللي ناوي تدخل بها الليلة .. معذبتي

ترى لولا الظروف اللي عطتك وحده ماحكيك

قسم بالله ماتدخل عليها لو على رقبتي

ولكن النصيب أقوى ولا أدري ويش أسوي فيك

نعم .. صارت معزبتك .. ولا صارت معزبتي

كذا لازم عشان تفوز أنت ... أخسر بتجربتي

تراها غالية جداً .. وتكفى .. والله يخليك

تدللها .. تدلعها .. تنسيها مصاحبتي

أنا من كثر ما أغليها أحس أني بديت أغليك

ولا تسأل بأية حق ؟ ولا وش مناسبتي ؟

لأنك لو بتسألني بتسمع شئ مايرضيك

لذا ياأخوي لا تسأل ولا تسمع لأجوبتي

أبيك تحطها داخل { عيونك } وبين { أيديك }

وهي دلوعة اعتادت على كثرة مداعبتي

فداعبها شوي شوي حتى تشتهي طاريك

وشاغبها ألين تقول لك : بطل مشاغبتي

وإذا هي مالها خلقك ... ولا تضحك ولا تسليك

تحملها وأسألها : ياعمري ليه عصبتي

وبالك أسمع أنك يوم تضربها وهي تشكيك

ما يحتاج أروي لك بفن الضرب موهبتي

صحيح أنك بتملكها ومعك العقد بالتمليك

وأنا عارف حدود الله ومن حقك معاقبتي

ولكن قلها ( المجنون ) وصاني وهو يعنيك

يقول أنه بينتظرك .. ولو شيب وشيبتي

وأنا ( مجنونها ) اللي مانساها وأنت مايمديك

تغطي ذكرياتي في هواها وربع تجربتي

أحس أني تماديت بكلامي .. والغضب حاديك

لو أنك في ( مكاني ) ماتفكر في محاسبتي

كفاك أني تركت أشغالي الليله عشان أجيك

دخلت القاعة برجلي ولا أدري ويش عاقبتي

وأنا ماجيت أخرب عرسك الليله ولا أذيك

أنا جيت عشان أخاطبك وأسمع مخاطبتي

توصى .. أنتبه .. وأحرص عليها والله يهنيك

ترى كل الكلام اللي طلع من ضيقتي وكبتي


ولكن ماقدرت أني أقوله وأنت مايخفيك
أخاف أني أذا قلته تقوم وتقطع رقبتي ..


<<< مــــــــــ شـــــــــــــ اء الـــــــــــ لـــــــــــ ــه..... لسى الاخ ماقال شي بعد


... استنا ردودكم ...