سافر عساه يعود لي بالسلامة
وعسى السلامه في طريقه تخاويه
ومن الزعل ما قال لي مع السلامة
الله يحفظه وين حطت خطاويه
في غيبته واحب علي أحترامه
اكثر من عيوني احبه واداريه
عمري بدونه يا حياة الندامه
محدن ليا من راح يعوضني فيه
ما فيني اتحمل جفاه وخصامه
وشلون وأنا اموت لامر طاريه
هذا مقامه ما تغير مقامه
هو بس يرجع من غيابه وأراضيه

................................

ياواهب المحتاج غالي حنانك
مغليك لو كان الشقا منك مغليـك
في غيبتك دورت واحد مكانـــــك
ابغا التسلـي مير زاد الولع فيـــك
سوالف ضحكات شفت زمانــــك
تطريك عندي وين مارحت تطريك
محدن معوضني حلاوت لسانـــك
وشعورك اللي عن هوا الغير مكفيك
رديتلي حبــك وقلبــك ضمــانــك
ورديتلك في غالي العمر شاريك
ماخانك الخافق ولا يوم خانـــــك
لوكنت مع غيره سمعته يناديـك


..............................

ياللي موادع يشهد الله فقدناك
تعال باسم الحب جرحي خطيري

أنا غريق بالهوى هات يمناك
في زحمة أمواجك تعثر مسيري

مشتاق لك بالحيل يا كود فرقاك
عن ذكريات الحب وين المصيري

ارفق بقلبِ تالي الليل ناداك
وقتي حداني في هواك استجيري

نسيتني وإلا تناسيت ممشاك
وإلا أنت مشغول برجا حب غيري

يا مستريح البال وشلون ننساك
والشوق ناره تشتعل في ضميري

خذ روحي اللي هدها الشوق تفداك
عسى الفلك لا أخذتها يستديري

...................................

سافر عسى ربي يحرسك وياقاك

هذا البخت عزاه وش في يديني

يا شين باكر يا حبيبي بلياك

لا جاء وعدك اللي بوقته تجيني

لي قمت أدوج في مداهيل ما طاك

يا ما جرى بشهار بينك وبيني

هذا وهو توك تطري بممشاك

وشلون لي قفيت يا نور عيني

يا شيب عينك يا هوى البال واشقاك

كانك مثل ما أبيك ياعمري تبيني