منتديات مذهلة | منتديات | منتدى مذهلة - أنا ماخطيت في حقك 00لاكن الكلام عتاب

- هـمس الـقـوافي (https://www.modehlh.com/vb/forumdisplay.php?f=14)

- - أنا ماخطيت في حقك 00لاكن الكلام عتاب (https://www.modehlh.com/vb/showthread.php?t=6248)

أنا ماخطيت في حقك 00لاكن الكلام عتاب

انا ما اخطيت في حقك ولكن الكـلام عتـاب

أعاتـب والعتـب كلمـة تفسرهـا معانيهـا

اعاتب واحسب بهرجي الا مني حكيت حساب

وكلمه يستحـي منهـا لسانـي يبتـدى فيهـا

واذا انت من العتب تزعل علينا وابتصك الباب

ترى ما نيب قاصدها ولانـي فيـك ناويهـا

ولا ودى على الفرقا وقلبي داخلـي مرتـاب

اشوف ان الهوى خدعة واشوف القلب راضيها

واشوف ان الهوى فرقا مواليف وعناد احباب

واشوف ان الجفا خطوة ولاني قادر اخطيهـا

وقلبي لو عشق يخلص ولو طالت عليه رقاب

وتشهد له دروب الحب حاضرهـا وماضيهـا

عشقنا والهوى حسرة،مشينا ولاأمـل كـذاب

بدينـا نانبنـي منهـا قليـل مـن بلاويهـا

عرفت الحب من عمري صغير بالغرام وشاب

وقلبي للحبيب اكبر مـن الدنيـا ومـا فيهـا

صحيح انى نويت ابعد ولكن الهـوى غـلاب

وهي رحلة بديت بها ولا ادري كيف بنهيهـا

تحريتك شروق الشمس وشفتك للشروق غياب

ولا اضنك تبيع العشره اللي كنـت شاريهـا

بقى لي بالهوى نظرة وتغريبة ودمع اهـداب

وقصة بترك لسانك علـى العـذال يرويهـا

واناجي باقي حروفي وبألف للفـراق كتـاب

قصايـد تملـي اوراقـي ارددهـا واغنيهـا

واذا مرتني الذكرى وجرحي بالحشا ما طـاب

بتبعدنـي وتدنينـي وببعـدهـا وابدنيـهـا

وانا عيب علي اشكي من الدنيا بدون اسبـاب

مدامي ما خذ منهـا يجينـي يـوم واعطيهـا

صح لسان شاعرها

تحياتي

بنت الشرقيـــــــــــة