! أستــmodehlhــاهلك !
24-10-2007, 01:24 PM
بسم الله الرحمن الرحيم انا انهارده قررت اني اكتب قصه حياتي بجد اسمي / وائل عمري / 20 و دي قصه حياتي قصتي اشبه بقصص الخيال كنت طفل صغير سعيد جدا بحب كل الناس الي حوليا وهم كمان بيحبوني بس حب بجد كنت وقتها ساكن في المنيل مكنتش اعرف ناس كتير كنت انسان في حالي ديما وكنت لسه صغير وقتها كان عمري ما بين السته والسبع سنين وبعدين عزلت من المنيل ورحت مدينه السلام عشت في مستوى راقي جدا عرفت ناس من كبار الشخصيات اتصحبت على اولاد منطقتي كان اقرب صديق ليا منهم اسمه ميدو اتعرف عليه بعد ما بدأت التخالط مع الناس عشت يمكن عشر سنين هناك حبيت ناس كتير اوي اهلي اصحابي جراني حسيت اني بجد وسط حضن دافىء اوي عمري ما حسيت بالوحده ولا بالخوف كنت طفل برئ حتى وانا كبير لاني بجد كنت حاسس اني عايش لهدف ومرت الايام والسنين زي الصروخ وفي خلال الفترة دي حبيت انسانه رقيقة انسانه بجد مهما قلت عنها مش هقدر اوصفها حبتها حب عمري كله حسيت اني مقدرش اعيش من غيرها ولا حتى ابعد عنها حسيت انها النفس الي بتنفسه الابتسامه البرئية الي كلها حب صادق حسيت ان حياتي كلها ليها ولما اكون عايز انجح واعمل حاجه حلوة في حياتي بحس اني بعمل كده علشنها و لما بكون معها بنسى نفسي بنسى الدنيا بنسى اني عايش كان نفسي اقلها على الي جوايا بس مقدرتش وفي يوم قلي بابا احنا مسافرين يوم 4/10/2002 علشان شغله حسيت بأحساس غريب قلت لنفسي ازاي هقدر ابعد عن كل حبيابي الي اتربيت معاهم هنا ازاي اقدر ابعد عن كل الي بحبهم وبيحبوني و ازاي اقدر اسيب حبيبتي عقلي وقف عن التفكير ولما جاء يوم السفر فكرت اني اهرب و اروح مكان بعيد علشان حياتي كلها هنا وبعدين هربت وقعد افكر واقول لو سبت اهلى يسافره وانا قعدت هنا هعمل ايه هعيش ازاي حسيت اني كده خسران وكده خسران فقررت اني ارجع لاهلي واسافر معاهم وبعدين سفرت شفت دنيا جديده علمتني حجات كنت معرفهاش علمتني ان الحب والصدق والحنان ضاعو ولما اسأل اي حد يقلي ده كان زمان بكيت ليل ونهار حسيت اني في كبوس بجد مش عارف اصحى منه دخلتني الدنيا في دواما انا مش قدها خسرت فيها حجات كتير اوي بس الحاجه الي كانت بتصبرني هي حبي وشوقي لاهي واصحابي ولحببتي وكان ايمها الموبيلات لسه في البدايه مكنتش اقدر اتصل بأصحابي وجراني وحببتي كنت كل يوم اندم لاني سبتهم مبقتش عارف اعمل ايه فققرت اني اتواصل معاهم مهما كان الامر وفعلاً قدرت وبعدين اتصت بميدو صحبي وبجراني وبحببتي و حسيت اني اتولدت من جديد لما كنت بكلمهم وبعدين قررت اني اعتمد على نفسي وكان عمري وقتها لسه 16 او 17 سنه وكان في سنه 2003/2004 وفعلا جالي عرض من واحد اتصاحبت عليه رجل اعمال كبير وكمان شاب عمره 20 سنه بس ابوة سبله ثروة كبيرة وبعدين قلت لبابا وطبعا رفض قلي يا ابني انت محتاج حاجه وانا ما جبتهالك قلتله لا يا بابا بس انا عايز اعتمد على نفسي من دلوقتي مش عايزك تساعدني انا كبرت و بقيت راجل وممكن اعتمد على نفسي قلي خلص دراستك وبعدين اعمل الي انت عايزة قلتله انا صحيح هشتغل بس اوعدك اني مش هقصر في دراستي بس برضو ما وافقش فأصريت على راي لاني كان جوايا احلام كتير اوي واشتغلت بدون ما بابا يعرف ومسكت 3 محلات لصحبي شغله كله في مجال الكمبيوتر طبعا بابا عرف بعد ما اشتغلت ب شهرين تقريبا لانه لاحظ عليا التغير المهم اني جمعتلي مبلغ كبير وفتحتلي شركه و في خلال الفتره دي كاانت مشاعري وشوقي لمصر وحببتي واصحابي بيزيد يوم بعد يوم وطبعا كنت ديما بتصلهم وخصوصا حبيبتي و بعدين كنت لسه ما قلتش لحببتي عن مشاعري فقررت اني اقلها لاني كنت حاسس انها بتحبني زي ما بحبها وبعدين اتصلتلها وطبعا كانت اشترت موبيل المهم اول ما ردت على التلفون حسيت اني مش قادر اقلها وكأن الكلام كله وقف في طرف لساني استغربت لسكوتي وقلتلي مالك قمت مغير الموضوع وبعدين قلت لنفسي ليه مقدرتش اتكلم حسيت ان الموضوع صعب اوي رحت بعت ليها رساله وقلتلها كل الي في قلبي وكان الرد انا بحبك بس زي اخويا انهرت واتصلتلها وقلتلها انا مقدرش اعيش من غيرك قلتلي انا كنت بحبك بس ده كان زمان عرفت ان مشاعرها اتغيرت في خلال الاربع سنين الي غبتهم عنها حولت معاها بس بدون نتيجه بعدين جالي ديق تنفس وتعبت اوي وقعدت فترة بدون اكل وشرب ودخلت المستشفى وقعدت شهر في المستشفى حسيت ان الحياه انتهت لما قلتلي كده حسيت بجد اني مش هقدر اعيش وبعد ما خرجت من المستشفى ما قدرتش اشتغل وفكرت في الانتحار وفعلا كنت هنتحر بس افتكرت ربنا و بقيت مش عارف اعمل ايه فقلت هحاول اجهد نفسي في الشركه والشغل علشان انساها بس ما قدرتش وخسرت ملايين بسببها وخسرت حياتي لاني طول الوقت بفكر فيها في البيت في الشغل في كل مكان مقدرتش انساها لحظه وحده واغمي عليا اكتر من مرة و فضلت على الحال ده سنه وشويه وبعدين بدأت اهدء واركز في شغلي بس كان الموضوع صعب عليا شويه بس مع الوقت قدرت بس مش قادر انساها لحد دلوقتي عارفين ليه لاني حبتها حب بجد حب صادق حب حقيقي حتى وانا بعيد عنها برضو كااانت يزيد حبي ليها يوم بعد يوم كل اللي وصلت ليه من مال ومركز كان علشنها كل حاجه في حياتي كانت ليها حتى شركتي سمتها باول حرف من اسمها كل حاجه كانت بأسمها بس هيا مكنش عارفه الي حصلي بعد ما قلتلي كده في التلفون خفت اقلها ماتصدقنيش قلت لنفسي بلاش حتى لو صدقتي تقلق عليا او تلوم نفسها بس مهما حصل انا هفضل احبها لاخر يوم في عمري حتى لو هي مش حاسه بيه لاني خدت عهد على نفسي اني محبش غيرها ولا اتجوز غيرها ولو حصل نصيب هيكون اسعد يوم في حياتي ولو محصلش هفضل عايش على ذكراها و حبها لحد اخر يوم في عمري حتى لو هي ماتستحقش برضو هفضل احبها مش عارف ليه بس حاسس ان قلبي معاها ومش ممكن يرجعلي علشان احب بي تاني اي انسانه صحيح انا قصت حياتي غريبه وصعب ان واحد يصدقها بس دي حقيقة مره لشاب حب بجد و كان قدرة ينجرح من اعز الناس وهي دي قصت حياتي . اتمنى انكم تكونو استفدتو من تجربتي وقصة حياتي الغريبة وتقبلو خالص قطرات الندى من الساهر