شُبيك لُبيك

[الدلوعة اوى]

شُبيك لُبيك


لقيت الفانوس مرة ودعكته طلعلى عفريت قاللى شبيك لبيك

قلت خلاص الذل أنا ودعته ويا عفريت بالطلبات هاهريك

قالى هأوأو يا إنسان دانا العفريت بن الجان

ما يهمنيش مكان وزمان واطلب وعندى البرهان

قلتله عاوز قمح زُرع فى مصر ومسؤولين يبطلوا فشر

وحكومة متعصرنيش عصر ومرتب يسترنى لآخر الشهر

وعاوز عيش بدون طوابير وحكومة ضد التبذير

وانتخابات من غير تزوير ورئيس سابق أشوفه كتير

وعاوز فى بيتى كيلو دقيق وسبب مقنع لأى حريق

ومجلس شعب بدون تصفيق وفى كأس العالم لينا فريق

وعاوز أزور شرم الشيخ وصباعين كفتة اللى فى السيخ

وأشرب مرة عصير بطيخ وأخرج من القسم بدون تلطيخ

ونفسى الضحكة ترجع تانى وحتة لحمة كندوز أو ضانى

وجنيه مصرى زى البرانى ورصيف للمشى أنا وخلاّنى

رد العفريت عليا بغشم وقال يا مصرى ماكنش العشم

بص... أنا ممكن أنقلك الهرم واسدلك الأوزون اللى اتخرم

وأرجعلك الأكل اللى اتهضم وأعملك بقرة من الغنم

وأعملك قصر من العدم وأقولك معنى شرم برم

بس طلباتك طلبات ملموس عقله خلاص أكله السوس

ده تخطيط يا بنى ومدروس إنك تعيش على طول موكوس

وأحنا بناخد منكوا دروس إزاى نخلى العفريت متعوس

ويا رب ترجعنى تانى الفانوس وزى بعضه أعيش محبوس

بدل ما أخرج واتبهدل زيك وأعيش موكوس على متعوس

[آحاسيس مرهفه]

يسلموووووووووو على الطرح المميز
بانتظار جديدك
دمتي بخير

[my love""r777d]

اع ـجبتني ذائقتك ..
سلمت تلك الانام ـل ع ـزيزتي
...

م ـيمو

[بقايا امراة]

تســــلمين يالغــلآ ..
دام عطائكَ وآنتقائك ..
باقات شكري وامتناني
لجميل ع هذا المجهود

[الدلوعة اوى]

ميرسى جدا يا احاسيس مرهفة على المشاركة الجميلة دى
تحياتى

[الدلوعة اوى]

اضأت الموضوع بالرد الجميل
شكرا للمرور
ميمو

[الدلوعة اوى]

الموضوع زاد جمال بوجودك فيه انتى نورتى يا قمر على المشاركة الجميلة دى
تحياتى بقايا

[عزيز النفس]

الدلوعة اوى

سلمت اناملك الذهبية على اختيارك

المميز يا الغلا

ولك مني كل الود

[الدلوعة اوى]

مشكوووووور والله يعطيك الف عافيه غزيز النفس