صناعة الاكسسورات

[بقايا امراة]

انا جبتلك حاجات حلوة يارب تفيدك وتكون هي اللي انتي عايزاها

الأول طريقة عمل الشكل الجميل ده

http://img401.imageshack.us/img401/8682/0001dc8.jpg

الأول دي الحاجات اللي هنحتاجها

http://img187.imageshack.us/img187/3162/0002bd5.jpg

سلك نحاس

حلقتين صغيرين زي اللي في الصورة

خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها

ست خرزات شبه الخرز الاسود بس دهبي

قطعتين النحاس اللي بيمسكوا الخرز والسلك

وفي الآخر حاجة صغيرة كده زي بنسة اسمها زَرَّادية مع شدة على الراء

دي شبه البنسة الكبيرة دي بتاعت النجارة تقريبا بس على صغنوووون

أهيه

http://img49.imageshack.us/img49/685/0007dz7.jpg

الحاجات دي بقى منيييين؟؟

من عند أي محل خردوات أو أدوات الخياطة وبتوع الخرز

هما غالبا بيكونوا في مكان واحد جنب بعض بيبيعوا الحاجات دي يعني

وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا


نيجي للطريقة بقى

أول حاجة هنجيب واحدة من قطع النحاس مع السلك وتلات خرزات دهبي

ونربطهم بالشكل ده

أهم حاجة ماننساش في النص لازم يكونوا سلكين

http://img216.imageshack.us/img216/1082/0003so5.jpg


ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر

http://img49.imageshack.us/img49/9073/0004rn4.jpg

نبدأ بقى بالجزء اللي في النص

وركزوا فيه
هناخد الأول خرزة سودا نحطها في السلكين

بعدها في كل واحد فيهم نحط واحدة خرج نجف عشان يعمل الشكل ده

http://img49.imageshack.us/img49/2983/0005cn7.jpg

بعدها نلف السلك حولين الجنبين ونضمهم في النص تاني

وممكن لو عرفنا بدل ما نلفه ندخله في الخرز الاسود على الجنبين

أهم حاجة ناخد بالنا من طول السلك يكون طويل شوية لو حبينا نقصره نقصه عادي

بدل مانعمل ومايكفيش في الآخر

http://img49.imageshack.us/img49/3647/0006jc4.jpg

بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

وتاني نفتحه باتنين خرج نجف ونلفه وهكذا بقى

في الآخر بتوصل بالشكل الجميل اللي شفناه ده بعد مانوصل القفل من الجهتين

http://img401.imageshack.us/img401/8682/0001dc8.jpg



__________________



دلوقتي هنعمل ان شاء الله مع بعض حلق ظريف بالخرز الأحمر

وده شكله

http://img49.imageshack.us/img49/7046/a0001dy7.jpg

وبرضه هنستخدم الزرادية اللي قلتلكوا عليها قبل كده

عشان نقدر نتني السلوك بتاعتنا بالشكل المظلوب زي ما هتشوفوا معايا

بعد كده الحاجات اللي هنستخدمها كالتالي

http://img187.imageshack.us/img187/1291/a0002yp5.jpg

سلسلتين بالحجم اللي شايفينه في الصورة
نجيبهم من عدن بتوع الخردوات وأدوات التطريز

أو ممكن نعملهم بإيدينا بالسلك

خرز أحمر اتنين كبار و 12 حجم أصغر

سلوك على شكل دبابيس بس هي مش مدببة من تحت عادية مش بتشوك

هنجيب منهم 14 واحد

ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا


الأول هشرحلكوا طبعا على فردة واحدة من الحلق واعملوا التانية زيها

هنجيب واحدة من السلسلتين

ونيجي عليها من نصها بحيث يبقى جزء أقصر من التاني
وندخل قطعة المعدن بتاعت الحلق في حلقة صغيرة فيها
بالشكل ده

http://img187.imageshack.us/img187/281/a0003jo8.jpg

بعدها نجيب الدبابيس (الغير مدببة)

ونحطها في الخرز زي مانتوا شايفين كده وبعدين من الناحية التانية نتنيها

ونخليها على شكل حلقة

وطبعا لو طلعت طولة شوية نقصها بالزرادية

http://img49.imageshack.us/img49/9638/a0004sd1.jpg

بعد كده هنحط الخرزة الكبيرة في السلسلة في الجزء الأطول

بالشكل ده

http://img401.imageshack.us/img401/3716/a0005wv4.jpg

وبعدها نبدأ نوزع باقي الخرز الصغير زي ماحنا شايفين كده

طبعا الحلقة بتاعت الخرزة كانت مفتوحة شوية بعد مانركب الخرز في السلسلة

نبدأ نقفل الحلقات دي كويس بالزرادية


http://img49.imageshack.us/img49/9833/a0006oo2.jpg


وكده نكون عملنا حلق شكله جميل وكمان بإيدينا


دلوقتي معايا شكل جديد

هو عبارة عن ميدالية ممكن تتحط في قلم زي كده

http://img401.imageshack.us/img401/8227/b0007tf7.jpg

أو حتى نحطها في الموبايل


نبدأ كالعادة بالخامات اللي هنستخدمها معانا


http://img49.imageshack.us/img49/1605/b0001tt3.jpg


هنجيب سلسلة باللون الدهبي أو الفضي زي ماتحبوا

بس طبعا المهم لون السلسلة يكون نفس لون الأسلاك اللي هنستخدمها

وهنستخدم مجموعة من الخرز الشفاف زي الموجود في الصورة
بمختلف أحجامه

اتنين لونهم موف كبار

ومجموعة ألوان على زوقكوا حجمهم أصغر شوية

ومعاهم خرزتين زي اللي استخدمناهم في الحلق

واتنين غيرهم برضه بشكل هندسي كده زي مسدس هندسي زي مانتوا شايفين في الصورة

وغيرهم ست خرزات لونهم دهبي على شكل وردة زي ماحنا شايفين في الصورة برضه

وفاكرين الدبابيس الغير مدببة اللي قولنا عليها قبل كده؟؟

هنستخدمها بس حجم أكبر شوية

وهنسخدم كمان قطعة اكسسوار دهب جواها زي جلد اسود أو كاوتش

عشان نلفها على أي حاجة عايزينها سواء سلسلة صغيرة للموبايل أو على القلم

ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات

ومع الخامات دي هنستخدم مجموعة أدوات تسهل علينا شوية في تشكيل المعادن

أولها طبعا الزرادية وغير كده كمان حاجة شبه البنسة برضه بس أساسها كاتر

يعني بتقطع المعادن وشكلها زي الصورة دي

لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده

وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات

http://img187.imageshack.us/img187/7035/b0002lp6.jpg


ودلوقتي نبدأ مع بعض


نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة

http://img49.imageshack.us/img49/9007/b0003jk0.jpg


بعد كده هنجيب السلك وندخله في ناحية من الاكسسوار بتاعنا

وبعدين نلفه على السلك الناحية الأولى بالشكل ده

http://img401.imageshack.us/img401/6996/b0004vf4.jpg

الجهة التانية من السلك اللي مش مربوطة بالاكسسوار طبعا هنربطها بالسلسلة

اللي عملناها بالخرز في الأول

وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه

واللي هيتم ربطها بالسلسلة

http://img401.imageshack.us/img401/5555/b0005mp2.jpg

وفي النهاية بيكون شكلها كده بعد مانحطها على القلم بتاعنا


http://img49.imageshack.us/img49/8687/b0006ny2.jpg

وزي ماقلتلكوا في الأول ممكن نحطها في الموبايل
مع زيادة السلاسل بتاعتنا بنفس الطريقة مثلا



__________________

[بقايا امراة]

http://img401.imageshack.us/img401/1403/c0001nm9.jpg

الأنسيال ده شكله جميل وبالرغم من انه لأول وهلة ممكن نقول صعب

لكن هتحسوا معايا انه في منتهى السهولة والبساطة

وممكن تستخدموا أي لون تحبوه

اللون اللي معايا دلوقتي الأورنج مع اللون البيج الفاتح أو السكري


الخامات:

http://img49.imageshack.us/img49/2623/c0002eb2.jpg

هنستخدم سلسلة طولها حسب ما تحبي على أد إيدك أو أوسع حاجة بسيطة

ونجيب قفل عشان نقفل بيه الأنسيال

كمان هنستخدم الدبابيس اللي قولنا عليها بس المرة دي كتير شوية

وهنستخدم مجموعة من الخرز على شكل نقطة الميا لونها سكري حجم كبير وحجم أصغر
والباقي على شكل السمبوكسات (سمبوسك) لونها أورنج برضه حجم كبير وحجم أصغر

وهنستخدم مجموعة خرز لونه نحاسي صغير كفواصل بين الخرز بتاعنا

أول حاجة هنبدأ بيها هي أبسط حاجة

وهي تركيب القفل بتاعنا في السلسلة عن طريق الزرادية

ونقفل الحلقة بتاعته كويس أوي

http://img401.imageshack.us/img401/4551/c0003xn0.jpg

بعد كده هنبدأ في تركيب الخرز

الأول نجيب دبوس من الخامات اللي معانا وندخل فيه خرزة سكري
وبعدها الفاصل النحاسي وبعدها خرزة أورنج
زي الصور بالظبط

http://img49.imageshack.us/img49/8735/c0004at1.jpg

وبعد كده نتنيه بالشكل ده

http://img49.imageshack.us/img49/2144/c0005dv8.jpg

ونعمل حلقة عشان نوصلها بالسلسلة بالطريقة دي

http://img187.imageshack.us/img187/4796/c0006at2.jpg

وندخلها في السلسلة بتاعتنا كده

http://img187.imageshack.us/img187/8755/c0007id5.jpg

ونلف السلك بتاع الخرز حولين نفسه بالشكل ده ركزوا عشان صغير مش باين أوي

http://img49.imageshack.us/img49/7931/c0008bi0.jpg

ونقفل اللفة كويس على السلك بالشكل ده

http://img187.imageshack.us/img187/654/c0009ro0.jpg

ونكمل باقي الخرز بنفس الطريقة لحد الآخر مع تبديل الأولان مرة الكبيرة السكري ومرة الكبيرة الأورنج

http://img187.imageshack.us/img187/335/c0010vr4.jpg

ممكن الحكاية دي تاخد وقت شوية بس أكيد في الآخر هي بسيطة وشكلها كمان جميل أوي


وده الشكل النهائي للأنسيال

http://img401.imageshack.us/img401/1403/c0001nm9.jpg



__________________
وعشان كده جبتلكوا معايا حلق شكله جديد موت

http://img401.imageshack.us/img401/5011/d0001wh7.jpg

وكالعادة هنبدأ بالخامات اللي معانا

أول حاجة معانا هنجيب سلكين معدن أتخن من اللي استخدمناهم قبل كده
تخنه اتنين مللي تقريبا أو مللي ونص

http://img401.imageshack.us/img401/1060/d0002up6.jpg

عشان نعمل بيهم الشكل الأساسي للحلق اللي معانا

ومعاه الحلقتين أو المعدنين اللي بيتركبوا في أي حلق عشان نلبسه في ودننا

وزي ماقلت قبل كده ممكن نشتريهم جاهزين أو نعملهم بادينا بالزرادية

بعد كده هنحتاج خرزتين على شكل اسطوانة صغيرة زي اللي في الصورة

وأربع خرزات صغيرين باللون الدهبي

ومش هننسا الزرادية بأشكالها ولو مش بتقطع نجيب الكاتر cutter الخاص بالمعادن

http://img187.imageshack.us/img187/6233/d0003hv7.jpg

الجديد دلوقتي هو الشاكوش (شاكوش؟؟)

أيييوة

http://img187.imageshack.us/img187/9559/d0004dn2.jpg

شاكوش صغير خاص بمعادن الاكسسوارات ممكن تلاقوه برضه عند بتوع الخردوات أو تسألوه على مكانه

يعني لو مالقيتوهوش مش مشكلة أي شاكوش وخلاص

ومعاه قطعة معدن عشان ندق عليها السلك اللي هنشكله

طبعا لو عندكوا بدالها ترابيزة متينة (مش محتاجينها http://www.3-7b.com/smile1/whistle.gif ) مافيش مشكلة



نيجي للطريقة

هنبدأ الأول نشكل أطراف السلوك اللي معانا بالزرادية على شكل حلزوني بالطريقة دي

http://img49.imageshack.us/img49/8947/d0005ms1.jpg

بعد كده نبدأ نتني السلك ونركب فيه الخرز بتاعنا

زي الصورة كده


http://img49.imageshack.us/img49/2386/d0006wd8.jpg

وبعد مانحط الخرز في السلك نبدأ نلفه من طرفه التاني

عشان يقفل على الخرز بالشكل ده

http://img187.imageshack.us/img187/8017/d0007gr4.jpg


طبعا ماحدش يقوللي بعد كل ده ان الحلق هيطلع شكله مستقيم ومظبوط زي الصورة

أكيد هيبقى شكله ملخبط وملوي من كل حتة والحلزونة جاية يمين ورايحة شمال

هنبدأ ندق عليها بالشاكوش عشان تتفرد وشكلها يتظبط

كأننا بنكويها يعني

http://img187.imageshack.us/img187/9829/d0008ho5.jpg

في النهاية بيكون ده شكل الحلق

http://img187.imageshack.us/img187/2295/d0009cm6.jpg

والطريقة بسيطة وسريعة في نفس الوقت يعني مافيش أحلى من كده



http://img401.imageshack.us/img401/5011/d0001wh7.jpg

[بقايا امراة]

بالشكل ده

http://www.firemountaingems.com/grafx/7417_finished.jpg

http://www.firemountaingems.com/grafx/7417_step1.jpg

http://www.firemountaingems.com/grafx/7417_step2.jpg



و بالشكل الجاااامد ده كمااان

http://www.firemountaingems.com/grafx/7B4U_finished.jpg

http://www.firemountaingems.com/grafx/7B4U_step1.gif

http://www.firemountaingems.com/grafx/7B4U_step2.gif

http://www.firemountaingems.com/grafx/7B4U_step3.gif

http://www.firemountaingems.com/grafx/7B4U_step4.gif

http://www.firemountaingems.com/grafx/7B4U_step5.gif

[بقايا امراة]

دي تنفعه علقه لموبايل او للميداليه
و سهله جدا

http://www.beadstudio.com/images/TASSELFinal.jpg

و دي الادوات المستخدمه

قفل و خيط و خرز

http://www.beadstudio.com/images/TASSELMat.jpg

الاول بنلف الخيط علي القفل علشان الشكل
و علشان تثبيت الخيط اللي هيتثبت عليه الخرز

http://www.beadstudio.com/images/TASSELStep1.jpg

http://www.beadstudio.com/images/TASSELStep2.jpg

http://www.beadstudio.com/images/TASSELStep3.jpg

http://www.beadstudio.com/images/TASSELStep4.jpg


يارب تكون عجبتكم

[my love""r777d]

يسلمو غلاتي ع الموضوع الخطير
ماننحرمش يارب
تقبلي طلتي

[بقايا امراة]

شكرا ميمو
لتواجدك فى موضوعى

[بنوتة شيك]

وااااااااااااااو

روعه جننننننننننننان

شكرررررررررررررررراااااااااااااااا

[بقايا امراة]

شكرا لمرورك على موضوعى

[مغرمه]

مجهوووود رائـــــــع


مشكووووووره والله يعطيك الف عافيه

ودمتي بخير ,,,,,,,

[بقايا امراة]

تسلمى

مغرمة على المرور
جزاك الله خيرا