عطــوري المفضلة .. للي ذوقها صعب [الأرشيف] - منتديات مذهلة | منتديات

ملكه الورود

24-04-2009, 03:15 PM

السلام عليكم و رحمة الله و بركآتهـ ..

بنات أنا ذوقي في العطور صـعـب جــداً للأسف http://forum.hawaaworld.com/images/smilies1/smile25.gif

و إذا لقيت عطر يعجبني أعلق عليه سنة سنتين عادي ما عندي مشكلة لأني أدري إني بعاني على ما ألقى عطر جديد يعجبني،

و أول مره بالتاريخ ألقى عطرين و اثنينهم أعجبوني قبل لا أكمل سنة على أول واحد فيهم http://forum.hawaaworld.com/images/smilies/hahaha.gif

و الأحلى إن كل واحد فيهم مواصفاته غير عن الثاني ..

العطر الأول يا حبياتي في الله هو كارولينا هيريرا الأحـمـرررر ..

شريته في الشتا لكنه يصلح للصيف و الشتا على حد السواء

و في الصيف جربته مع البخور على الشيلة و العباة ريحته روووعة و ثابتة

و طبعا لو سمحتن مو تعطرون شيالكم و تطلعون في الشارع
تراه ما يجوز و تأخذ اللي تسوي هالحركة حكم الزانية أجاركم الله و إيانا

مواصفات العطر .. ريحته قــــووووية بس مع الوقت تبرد ، ثابتة و الله لو أعطر البلوزة اليوم تبقى الريحة لي باجر الليل و هالشي أعجبني حييييل فيه و أمممم أغلب من يشم ريحته يسألني عنه ؛)

هذي صورته

http://ube.azyya.com/uploads/08120615351697.jpg

العطر الثاني اهو THE ONE من دولتشي & قبانا رووووعة رووووعة روووووعة أول ما شريته تحسفت بس بعد جم يوم رشيته و ريحته كانت بااااااااردة جنها بودرة جسم و ثااااابتة
و الأهم إنها ما تفووووح بقوة لأ بس لما يسلم أحد عليج يشمها أمممم أفضل إنكم تجربونه لأني مو عارفة أوصفه لكم فعلاً روعة

و هذي صورته

http://www.3roos.com/postsimages/e15cdbe2c1925f958f8a928d22cb56d6.jpg

* ملاحظة الناس أذواق فلو سمحتوا يا أخواتي ما نبي ردود جارحة ..

و اللي تجربها و تعجبها لا تنساني من دعاؤها بالنجاح و التوفيق http://forum.hawaaworld.com/images/smilies1/smile40.gif