استلذي ياااجروحي
وش تبينا ياهجوس الشعر بالله نبتدي به
في بدايات النهايه ينتحر بوح الكلام
.
يصبح المنفى بعيد وتصبح السكه كئيبه
ولا لي الا نار شوقي في دهاليز الظلام
.
اوقد من الشوق ضوي لين يحرقني لهيبه
شمعةٍ لك تحترق من شوقها حب وغرام
.
ماحسبت الا الفراق الله عسى ربي حسيبه
لا شكيت الا الوجود اللي بدا يصبح عدام
.
استلذي ياجروحي ..دام قلبي ذا نصيبه
ايه سوي ماتبينه ... خلي اضلوعي حطام
.
استفيضي يادموع العين من هول المصيبه
واستهلي فوق خدي ... مثل همام الغمام
.
والله اني لو بكيت فراقها ماهي غريبه
دام دمع العين فيها .. من يقول انه حرام
.
الحرام افراق بعد الحب محبوب لحبيبه
لا تذكر ماضي الايام مع ذكراه هام
.
والله ان الشوق فيني شيب رموشي نحيبه
وش دوا العين الحزينه دام عنها النوم صام
.
وين انا والنوم وينه .. ياعسى ربي يجيبه
كل ماغمضت عيني صاح جفني لاتنام
.
الحزن سلطان في عمري وله قدرٍ وهيبه
والسعاده في حياتي مالها قدر ومقام


منقووووول